Խորհրդարանի համապատասխան հանձնաժողովներում ավարտվեցին 2018 թվականի պետական բյուջեի նախագծի քննարկումները, առաջիկայում Ազգային ժողովն արդեն լիագումար նիստում կքննարկի և կընդունի հաջորդ տարվա բյուջեն։ Իշխանությունն այն որակում է՝ որպես ապագա զարգացման համար հիմքեր ստեղծող բյուջե։
Անցած շաբաթ բավական բազմամարդ բողոքի ակցիաներ տեղի ունեցան Զինապարտության մասին օրինագծի դեմ, որով փաստացի վերացվում է տարկետումը։ Հիմնականում Երևանի պետական համալսարանի մի քանի հարյուր ուսանողներ գրեթե ողջ շաբաթ դասադուլ կազմակերպեցին՝ պահանջելով վերացնել տարկետման սահմանափակումը։ Ուսանողները հայտարարել են դասադուլի և բողոքի այլ ակցիաները շարունակելու մասին։ Ա
Այս տարի լրացավ Հայաստան համահայկական հիմնադրամի ստեղծման 25 տարին։ Անցած 25 տարիների ընթացքում հիմնադրամի ծրագրերի շրջանակներում տասնյակ, եթե ոչ՝ հարյուրավոր նախագծեր են իրականացվել Լեռնային Ղարաբաղում և Հայաստանում։ Հայաստան համահայկական հիմնադրամի ամենամյա մարաթոններն ավանդաբար անց են կացվում ամեն տարի՝ նոյեմբեր ամսին։ Նոյեմբերի 23-ին տեղի է ունենալու հիմնադրամի 2017 թվականի հեռուստամարաթոնը, որի և Հայաստան համահայկական հիմնադրամի գործունեությանն առնչվող այլ հարցերի շուրջ է «Արմենիա» հեռուստաընկերության «Ռ-Էվոլյուցիա» հաղորդաշարում Սաթիկ Սեյրանյանի զրույցը հիմնադրամի գործադիր տնօրեն Արա Վարդանյանի հետ։
Անցած շաբաթ խորհրդարանում և խորհրդարանից դուրս բավական բուռն քննարկումներ ծավալվեցին «Զինապարտության մասին» օրենքի նախագծի շուրջ։ Առաջարկվող օրինագծով նախատեսվում է փոփոխություններ կատարել ուսման նպատակով տրամադրվող տարկետման կարգում՝ ըստ էության վերացնելով տարկետման իրավունքը, իսկ նման իրավունքից օգտվողների համար զինվորական ծառայությունը դարձնելով երեք տարի։
«Արմենիա» հեռուստաընկերության «Ռ-Էվոլյուցիա» հաղորդաշարում Լեռնային Ղարաբաղի հակամարտության կարգավորման շուրջ վերջին զարգացումների և Հայաստանի արտաքին քաղաքական առաջիկա օրակարգի մասին էր Սաթիկ Սեյրանյանի զրույցը 1992-95թթ. ՀՀ նախագահի հատուկ հանձնարարություններով դեսպան, 1994-95թթ. Հայաստանի ԱԱԾ ղեկավար Դավիթ Շահնազարյանի հետ։
Այսօր Շվեյցարիայում կայանալու է Հայաստանի և Արդբեջանի նախագահներ Սերժ Սարգսյանի ու Իլհամ Ալիևի հանդիպումը։ Երկու երկրների նախագահների միջև վերջին անգամ հանդիպում տեղի է ունեցել մոտ մեկուկես տարի առաջ՝ 2016 թվականի հունիսին, ապրիլյան պատերազմից կարճ ժամանակ անց։ Դրանից հետո բանակցային գործընթացն ըստ էության հայտնվել էր փակուղում։ Ի՞նչ է փոխվել հիմա, ի՞նչ նոր գործոններ են ի հայտ եկել բանակցային գործընթացում, ի՞նչ ակնկալիքներ կարելի է ունենալ այս հանդիպումից։ «Արմենիա» հեռուստաընկերության «Ռ-Էվոլյուցիա» հաղորդաշարում այս և արտաքին քաղաքականությանն առնչվող այլ հարցերի շուրջ է Սաթիկ Սեյրանյանի զրույցն Ազգային ժողովի Հանրապետական խմբակցության պատմագավոր Կարեն Բեքարյանի հետ։
Անցած շաբաթ Ազգային ժողովում իրադարձությունները ծավալվեցին առավելապես արտաքին քաղաքական խնդիրների շուրջ։ Խորհրդարանը, ինչպես և կարելի էր կանխատեսել, մերժեց «Ելք» խմբակցության նախաձեռնությունը՝ Եվրասիական տնտեսական միությանը Հայաստանի անդամակցության նպատակահարմարության հարցով ԱԺ ժամանակավոր հանձնաժողով ստեղծելու վերաբերյալ։ Ազգային ժողովում ու դրանից դուրս հնչեցին ու վերահաստատվեցին իշխանության բոլոր հիմնավորումներն ու պնդումները՝ Հայաստանը ռուսական ուղեծրում պահելու վերաբերյալ, և ընդդիմության մտահոգություններն ու ահազանգերը՝ Հայաստանի ինքնիշխանությանը սպառնացող վտանգների մասին։
Թուլություն մարմնի մի կողմում։ Դժվարանո՞ւմ եք շարժել ձեռքը։ Միգրենով տառապող անձանց մի մասի շրջանում գլխացավի առաջացումից առաջ կարող է թուլանալ մարմնի մի կողմը։ Այս երևույթը բնորոշ է նաև կաթվածին, այդ պատճառով հարկավոր է դիմել բժշկի օգնությանը։
Անցած շաբաթ կառավարությունը հավանություն տվեց 2018 թվականի պետական բյուջեի նախագծին: Առաջիկայում այն կուղարկվի Ազգային ժողով, և կսկսվեն բյուջեի խորհրդարանական քննարկումները: Ինչ է նախատեսելու հաջորդ տարվա պետական բյուջեն, ինչ հիմնական ցուցանիշներ են սահմանված 2018 թվականի համար, ինչպես և որքանով են բյուջետային այդ ցուցանիշներն անդրադառնալու հասարակության, քաղաքացու կյանքի ու կենսամակարդակի վրա: «Արմենիա» հեռուստաընկերության «Ռ-Էվոլյուցիա» հաղորդաշարում այս հարցերի և տնտեսության ընթացիկ զարգացումների մասին է Սաթիկ Սեյրանյանի զրույցը Հայաստանի Հանրապետության Ֆինանսների նախարար Վարդան Արամյանի հետ:
Որոնք են «Ելքի» հաշվարկներն իշխանության հայտնի արձագանքի պայմաններում նման նախաձեռնությամբ հանդես գալու հարցում, ինչ հնարավորություններ կամ սպառնալիքներ կարող է ստեղծել այս նախաձեռնությունը Հայաստանի համար։ «Արմենիա» հեռուստաընկերության «Ռ-Էվոլյուցիա» հաղորդաշարում այս հարցերի շուրջ է Սաթիկ Սեյրանյանի զրույցը Ազգային ժողովի «Ելք» խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանի հետ։
«Մոսկվայում կամ Արևմուտքում, ով մի հատ ռեստորան էր բացում, ասում էր՝ «գնում եմ՝ նախագահ դառնամ»: Լավ էլի, ախր… Հետո ընդդիմության ներկայացուցիչները գալիս էին Հայաստանից և Մոսկվայում ասում էին՝ «գիտեք, այդ Լևոնը հակառուսական է, հետո՝ Ռոբերտը հակառուսական է, էս Սերժը հակառուսական է… Մենք ունենք ավելի պրոռուսականը»:
Անցած շաբաթ լրացավ գործող կառավարության գործունեության մեկ տարին, որն ընդունված է համարել կառավարությունների աշխատանքը գնահատելու խորհրդանշական ժամանակահատված։ Ոմանց համար դա բավարար ժամկետ է՝ գնահատելու կառավարության աշխատանքը, որոշների համար մեկ տարին քիչ է՝ խոսելու լավ կամ վատ արդյունքների մասին։ Դրական կամ բացասական գնահատականների հիմքում դրվում են վիճակագրական ցուցանիշները։ Հասարակությունը, սակայն, կառավարությունների աշխատանքը գնահատում է սեփական կենսամակարդակով, որն անցնող մեկ տարվա ընթացքում էականորեն չի փոխվել։
Անցած շաբաթ մեկնարկեց նոր ուսումնական տարին։ Ինչպես միշտ, բոլոր պաշտոնյաների կողմից գեղեցիկ ելույթներ հնչեցին կրթության ու գիտության կարևորության, գիտելիքահենք տնտեսության անհրաժեշտության մասին։ Սակայն որքան ավելի բարձրագոչ են կրթության մասին պաշտոնական ճառերը, այնքան ավելի խորքային են կրթության ու գիտության ոլորտում առկա հիմնախնդիրները, որոնք յուրաքանչյուր նոր հռչակվող բարեփոխման արդյունքում կարծես ավելի են բարդանում։ Խնդիրները, սակայն, ոչ միայն կրթության ոլորտի պետական քաղաքականության, այլ նաև կրթության նկատմամբ հանրային վերաբերմունքի, կրթության մոտիվացիայի, կրթության և աշխատաշուկայի միջև կապի խզման տիրույթներում են։
Ամառային արձակուրդների ընթացքում Հայաստանի հասարակական-քաղաքական կյանքը, ինչպես սովորաբար, առանձնապես հարուստ չէր ակտիվ իրադարձություններով։ Լրատվական հոսքերի մեծ մասը զբաղեցնում էին հրդեհների, աղետների, զանազան այլ պատահարների մասին տեղեկությունները։ Ի տարբերություն իրական կյանքի, ամռան ընթացքում ու նաև այսօր շատ ակտիվ են սոցիալական ցանցերը, որոնցում գրեթե ամեն օր ինչ-որ թեմա դառնում է գերակա ու բուռն բանավեճերի առարկա։
Տնտեսական զարգացման և ներդրումների նախարար Սուրեն Կարայանն այսօր կառավարության նիստից հետո լրագրողների հետ զրույցում անհամեմատելի համարեց տնտեսության բոլոր ոլորտներում աճն ու 2012-2016 թթ. Հայաստանի տնտեսապես ակտիվ բնակչության՝ 200 հազարով, իսկ զբաղվածների թվի՝ 160 հազարով կրճատումը։
Ինչո՞ւ է միայնությունն ընտրում ամենաուժեղ մարդկանց, ինչո՞ւ են ամենաարժանավորները միայնակ: Նրանք խարիզմատիկ են, հաճելի արտաքին ունեն, կենդանի վերլուծական միտք, լավ դաստիարակություն ու վարվեցողություն ունեն, ուժեղ հայացք, որը թաքցնում է հոգու տխրությունը: Նրանք
Ժողովրդագրական խնդիրը Հայաստանի առջև ծառացած ամենակենսական հիմնահարցերից մեկն է։ Արտագաղթի բարձր ցուցանիշներն ու ամուսնությունների, ծնելիության մակարդակի նվազումը տարեցտարի հանգեցնում են բնակչության թվաքանակի կրճատմանը։ Շատերն այն ազգային անվտանգության խնդիր են համարում։ Պետությունը տարբեր ծրագրերով փորձում է նպաստել ժողովրդագրական իրավիճակի բարելավմանը։
Օգտագործած սնունդը մեծապես ազդում է մարդու առողջության և արտաքին տեսքի վրա։ Դրանց մի մասը նույնիսկ կարող է արագացնել ծերացման գործընթացը։
Նախագահ Սերժ Սարգսյանի հարցազրույցը «Ռ-Էվոլյուցիա» հաղորդաշարին։
«Ռ-Էվոլյուցիա» հաղորդաշարի հյուրը ՀՀ բնապահպանության նախարար Արծվիկ Մինասյանն է:
Ռազմական վերջին իրադարձությունները հաջորդեցին ԵԱՀԿ Մինսկի խմբի, համանախագահող երկրների արտաքին քաղաքական գերատեսչությունների, միջազգային գրեթե բոլոր կառույցների հայտարարություններին, որոնցում դրանց հեղինակները կողմերին կոչ էին անում պահպանել զինադադարի ռեժիմը: Այն, սակայն, Ադրբեջանը չի պահպանում: Ինչո՞վ է պայմանավորված սահմանային վերջին լարվածությունը, ի՞նչ կարելի է սպասել առաջիկայում, որքանո՞վ հայաստանյան ներքին զարգացումները կանդրադառնան ղարաբաղյան հակամարտության կարգավորման գործընթացի վրա: «Արմենիա» հեռուստաընկերության «Ռ-Էվոլյուցիա» հաղորդաշարում այս հարցերի շուրջ էր Սաթիկ Սեյրանյանի զրույցը Հայաստանում Արցախի մշտական ներկայացուցչության խորհրդական Գառիկ Իսագուլյանի հետ:
Մեր օրերում կատարյալ ծնող լինելու մղումով՝ ծնողներն ամեն բան անում են երեխայի փոխարեն՝ խոսում, խաղում, և այլն: Նման ծնողները հաճախ այցելում են հոգեբանին այն հարցով, որ իրենց երեխան երեք տարեկան է, սակայն դեռ չի խոսում, կամ ինչ-որ գործողություն չի կատարում:
ՀՀ նախագահ Սերժ Սարգսյանը քիչ առաջ ժամանեց Կառավարություն։ Այսօր կառավարությունում տեղի է ունենալու գործադիրի հերթական նիստը։ Կառավարության շենքի դիմաց նախագահին դիմավորեց վարչապետ Կարեն Կարապետյանը։
ՀՀ արդարադատության նախարար Դավիթ Հարությունյանը չորեքշաբթի մեկնաբանել է երկրում թավշյա հեղափոխություն իրականացնելու հավանականութունը 2018 թ.-ի ապրիլին, երբ նախագահը վայր կդնի իր լիազորությունները և երկիրը կանցնի խորհրդարանական իշխանավարման։ Այս մասին գրում է arka.am–ը։
Առջևում ամառային արձակուրդներ են, և հանգստի կազմակերպման թեման, ինչպես ամեն տարի, կրկին արդիական է դառնում։ Հանգստանալ Հայաստանո՞ւմ, թե՞ Հայաստանից դուրս. այս հարցին բախվում են մեր գրեթե բոլոր քաղաքացիները։ Իսկ այդ հարցի պատասխանների մեջ ամենաէականն արտերկիր ուղևորության ծախսերն են, քանի որ հայկական հանգստավայրերը՝ իրենց բարձր գներով, ըստ էության դուրս են մրցակցությունից։ Սակայն էժան արտասահմանյան հանգստի հիմնական խոչընդոտն ավիատոմսերի բարձր գներն են, որոնք, չնայած համապատասխան կառույցների ու պաշտոնյաների հավաստիացումներին, դեռևս էական նվազման միտում չեն ցուցաբերում։
Հայաստանում գործարար միջավայրի բարելավումը բոլոր կառավարությունների հիմնական խոստումներից մեկն է։ Ցանկացած նոր ձևավորվող կառավարություն խոստանում է քայլեր ձեռնարկել գործարար միջավայրը բարելավելու, բիզնեսի վարման պայմաններն ավելի դյուրին դարձնելու ուղղությամբ՝ մինչև հաջորդ կառավարության ձևավորումը։ Գործող կառավարությունը նախորդներից տարբերվում է սակայն նրանով, որ խոստացել է բավական հավակնոտ ներդրումներ ներգրավվել տեսանելի ապագայում՝ մի քանի հարյուր միլիոնից մինչև ավելի քան 3 միլիարդ դոլար։ Որքանո՞վ են այդ խոստումներն իրատեսական, դրանց ո՞ր մասը կկատարվի առաջիկայում և ո՞ր ոլորտներում։
Այսօր կառավարության նիստից հետո ներդրումների և տնտեսական զարգացման նախարար Սուրեն Կարայանից լրագրողները հետաքրքրվեցին, թե ի՞նչ է կատարվում, ինչո՞ւ հստակ պատասխան չի տրվում ԱՄՆ դեսպանի առաջարկին՝ 8 մլրդ դոլար ներդրումների վերաբերյալ։
Նորընտիր Ազգային ժողովն արդեն սկսել է իր գործունեությունը: Չնայած ոչ խորհրդարանական սեզոնին, Ազգային ժողովը կառավարության նախաձեռնած արտահերթ նստաշրջաններում քննարկում է անհետաձգելի համարվող մի քանի նախագծեր, որոնց մի մասի շուրջ բավական թեժ բանավեճեր են ծավալվել: Միաժամանակ, արձանագրվել է նաև ընդդիմության և իշխանության միջև կոնսենսուս առանձին օրինագծերի շուրջ՝ մասնավորապես, հակակոռուպցիոն նոր մարմնի ստեղծման հարցում: Այս և ներքաղաքական զարգացումներին վերաբերող այլ հարցերի շուրջ է Սաթիկ Սեյրանյանի զրույցն Ազգային ժողովի ԵԼՔ խմբակցության պատգամավոր Մանե Թանդիլյանի հետ:
Անցած շաբաթ սոցիալական ցանցերը, մամուլը, քննարկումների այլ հարթակներ ուղղակի ողողվեցին առողջապահության նախարար Լևոն Ալթունյանի՝ ծխելու դեմ պայքարի մասին մի հայտարարությամբ։ Հայաստանն անցնում է ծխելու դեմ պայքարի կոշտ մեթոդների։ Տուգանքներ, արգելքներ, ծխելու համար նախատեսված վայրերի սահմանափակում։ Մի կողմից դրական թվացող այս նախաձեռնությունն իրականում ունի բազմաթիվ ենթաշերտեր, որոնք, հատկապես մեր իրողությունների պայմաններում, կարող են նոր խնդիրներ հարուցել։ «Արմենիա» հեռուստաընկերության «Ռ-Էվոլյուցիա» հաղորդաշարում Սաթիկ Սեյրանյանի հյուրը ՀՀ առողջապահության նախարար Լևոն Ալթունյանն է։
Առաջիկա մեկ տարին լայն իմաստով լինելու է սպասումների ժամանակաշրջան, որն իր ազդեցությունն է ունենալու ինչպես՝ քաղաքական, այնպես էլ, առաջին հերթին՝ տնտեսական կյանքի վրա։ «Արմենիա» հեռուստաընկերության «Ռ-Էվոլյուցիա» հաղորդաշարում հետընտրական իրողությունների ու ապագա քաղաքական զարգացումների մասին է Սաթիկ Սեյրանյանի զրույցը Հանրային խորհրդի նախագահ, Ազգային ժողովրդավարների միություն՝ ԱԺՄ կուսակցության նախագահ Վազգեն Մանուկյանի հետ։