Տարածաշրջան

«Հայերը նախկինում կազմել են Թուրքիայի բնակչության 20 տոկոսը, այսօր մենք 0,1 տոկոսից էլ քիչ ենք: Մենք ցեղասպանություն ենք վերապրել եւ ես ծնվել եմ ցեղասպանություն վերապրած ընտանիքում»:

Հետախուզական գործողությունների արդյունքում առգրավվել է 23 ատրճանակ, 153 գրամ թմրանյութ, 95 մեքենա տեղափոխվել է ոստիկանության հատուկ պահպանության տարածք, 118 մարդ ձերբակալվել է:

«Ալ Ջազիրա» միջազգային հեռուստատաընկերության անգլերեն բաժինն անդրադարձել է հայաստանցիներին, որոնք ապրում և աշխատում են Թուրքիայում:

«Իրականում այսօր Հալեպում իրավիճակը չափազանց լարված ու աննախադեպ է, որովհետև 2 օր առաջ ռուսական և սիրիական օդուժերը փորձեցին Հալեպի հյուսիսային կողմը մաքրագործել զինյալ ընդդիմությունից՝ հարձակումներ կազմակերպելով նրանց դեմ, որի հակազդեցությունը երեկ և այսօր զգացինք»։

Ռազմաբազան աշխատանքները կսկսի մոտակա ժամանակներս: Այնտեղ ծառայության կանցնեն շուրջ 200 թուրք զինծառայողներ, ովքեր կկրթեն Սոմալիի 10 հազար 500 զինվորների: Բացի այդ, ռազմաբազայի անվտանգությունն ապահովելու նպատակով Թուրքիայից հատուկ զինվորներ կուղարկվեն:

Հալեպի հայաշատ Վիլլաներ թաղամասում տեղի ունեցած հրթիռակոծության հետևանքով վիրավորված Միրեյ Հինտոյանը կյանքը փրկել չի հաջողվել: Ինչպես հաղորդում է Հալեպ «Գանձասար» շաբաթաթերթի ֆեյսբուքի էջը, Միրեյի մահվան մասին հայտնել են Հալեպի շտապօգնության ծառայությունից: Միրեյ Հինտոյանը սեպտեմբերի 30-ին, առավոտյան զոհված Արման Հինտոյանի քույրն էր: Զոհվածների թվում են նաև Ծիլա Ճապաղջուրյանը և Յասմիկ Կիրակոսյան-Պերեճիքլյանը:

Իսրայելը Թուրքիայի արդարադատության նախարարության հաշվին «Մավի Մարմարա»-ի գործով որպես փոխհատուցում նստեցրել է 20 միլիոն ԱՄՆ դոլար: Այս մասին տեղեկացնում է թուրքական «Միլլիեթ» պարբերականը:

Փարիզը կարող է կազմակերպել Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը, հայտարարել է Բաքվում Ֆրանսիայի դեսպան Աուրելիա Բուշեզը:

Ադրբեջանը շահագրգիռ է Լեռնային Ղարաբաղի հակամարտության շուտափույթ կարգավորմամբ։ Այս մասին, ինչպես հայտնում է ադրբեջանական haqqin.az պորտալը, լրագրողներին ասել է Ադրբեջանի ԱԳՆ մամլո քարտուղար Հիքմեթ Հաջիևը՝ մեկնաբանելով ԱՄՆ պետքարտուղար Ջոն Քերիի այն հայտարարությունը, թե Ղարաբաղյան հակամարտության կարգավորման համար դեռ պայմաններ չեն ստեղծվել:

Քիչ հետո Թբիլիսիի միջազգային օդանավակայան կժամանի Հռոմի պապ Ֆրանցիսկոսը, ինչի կապակցությամբ Վրաստանը պատրաստվում է ըստ արժանվույն դիմավորել նրան։ Օդանավակայանում են Վրաստանի հոգևոր, քաղաքացիական ղեկավարները, Վրաստանի կաթոլիկ համայնքի անդամները՝ պապական դրոշի գույներով դրոշակներով։

Ադրբեջանի խորհրդարանը՝ Միլի մեջլիսը, այսօր կայացած աշնանային նստաշրջանի առաջին օրը վավերացրել է Թուրքիայի ու Ադրբեջանի կառավարությունների միջև Անդրանատոլիական գազային համակարգի վերաբերյալ փոխըմբռնման մասին հուշագիրը, հայտնում է Trend գործակալությունը։

Ադրբեջանի Միլի մեջլիսի (խորհրդարան) աշնանային նստաշրջանի առաջին նիստի օրակարգում քննարկման է դրվել «Եվրախորհրդարանի ու Ադրբեջանական Հանրապետության Միլլի մեջլիսի համագործակցության մասին» նախագիծը, հայտնում է Trend գործակալությունը։

Վրաստանում կառուցվելու է երկրում առաջին նավթավերամշակման համալիրը: Շինարարության մասին պայմանագիրը ստորագրվել է 2016թ․սեպտեմբերի 29-ին Վրաստանի տնտեսական զարգացման նախարարության պետական ունեցվածքի ազգային գործակալության և վրաց-իրանական Geopars ընկերության կողմից։

Ադրբեջանական երկրորդ՝ ADEX 2016 սպառազինությունների ցուցադրությանը Բաքուն ներկայացրել է Şimşək գնդացիրը, որը նախատեսված է տանկերի և զրահատեխնիկայի վրա տեղադրելու համար, հայտնում է ադրբեջանական haqqin.az պորտալը։

«Բաքու-Թբիլիսի-Կարս» (ԲԹԿ) երկաթուղային ճանապարհի թուրքական հատվածի շինարարական աշխատանքներն ավարտվում են, և տարեվերջին դրանով կգործարկվեն թեսթային համակարգերը, լրագրողներին հայտնել է Թուրքիայի Կարս նահանգի նահանգապետ Ռահմի Դողանը։

Հռոմի պապ Ֆրանցիսկոսն այսօր կսկսի իր եռօրյա այցը Վրաստան և Ադրբեջան։ Ինչպես հայտնում է Վատիկանի մամուլի ծառայությունը, այցի ընթացքում Հռոմի պապը հանդիպումներ կունենա երկրի իշխանությունների, քաղաքացիական հասարակության և դիվանագիտական կորպուսի ներկայացուցիչների հետ։

Թուրքիայի Վան նահանգում հնագետները հայտնաբերել են 2800 տարվա վաղեմություն ունեցող քաղաքային կոյուղատարի համակարգ, որը պատկանել է Ուրարտուի թագավորությանը:

Սեպտեմբերի 23-ից ի վեր Հալեպի՝ զինյալների կողմից վերահսկվող արեւելյան թաղամասերում, որոնց վրա հարձակում են ծավալել կառավարամետ ուժերը, զոհվել է առնազն 96 երեխա, եւս 223-ը վերքեր են ստացել: Այս մասին հայտարարել Է ՄԱԿ-ի Մանկական հիմնադրամը (ՅՈՒՆԻՍԵՖ):

Ադրբեջանի էկոնոմիկայի նախարարությունը 2017 թվականի տնտեսական և սոցիալական զարգացման կանխատեսման ցուցանիշի համաձայն՝ կանխատեսում է, որ 2017 թվականին Ադրբեջանի ՀՆԱ-ի աճը կազմելու է 1 տոկոս կամ էլ 61.4 միլիարդ մանաթ:

Թուրքիայի նախագահ Ռեջեփ Էրդողանը առաջարկել է 3 ամսով երկարաձգել արտակարգ դրության ռեժիմը, որը երկրում սահմանվել է հուլիսի 15-ի ձախողված հեղաշրջումից հետո։ Համապատասխան հայտարարությամբ նա հանդես է եկել շրջանային իշխանությունների ներկայացուցիչների առաջ, տեղեկացնում է թուրքական TRT Haber հեռուստաալիքը։

Ռուսական «Գազպրոմ» ընկերությունը դիվանագիտական խողովակներով ստացել է թույլտվություն՝ հետազոտական աշխատանքներ իրականացնել Թուրքիայի տարածքային ջրերում «Թուրքական հոսք» գազատարի ծովային հատվածի երկու ճյուղերի համար։ Այս մասին հայտնում է TASS-ը՝ հղում կատարելով ռուսական ընկերության մամուլի հաղորդագրությանը։

Թուրքիայի փոխարտգործնախարարի պաշտոնում նշանակվել է ԱԳՆ Մերձավոր Արևելքի հարցերով խորհրդական Ումիթ Յալչընը:

Թուրքիայում 12 հեռուստաալիք է փակվել։ Պատճառները, որոնց համար դադարեցվել է դրանց հեռարձակումը, եղել են մեղադրանքները, թե հեռուստաալիքները վարել են հակապետական գործունեություն և իրականացրել են «Քրդական աշխատավորական» կուսակցության քարոզչություն։

Ադրբեջանն ու Ռուսաստանը ստորագրել են նոր սերնդի տակտիկական հրթիռների համատեղ արտադրության հուշագիր, հայտնում է ադրբեջանական AzeriDefence ամսագիրը։

Ադրբեջանի 2017թ. պետական բյուջեի եկամուտները կազմում են 15.955 մլրդ մանաթ (կենտրոնացված եկամուտները՝ 15 312 619 հազար մանաթ, տեղականները՝ 15 312 619 հազար մանաթ), ծախսերը՝ 16.6 մլրդ մանաթ (կենտրոնացված ծախսերը՝ 15 881 730 հազար մանաթ, տեղական ծախսերը՝ 718 270 հազար մանաթ), հայտնում է ադրբեջանական APA գործակալությունը։

Լեռնային Ղարաբաղի հակամարտության կարգավորման հետ կապված բանակցությունների ինտենսիվությունը շարունակվում է։ Գուցե մենք ամեն ինչ չենք հաղորդում մամուլին, սակայն կարող եմ ասել, որ մենք քննարկումներ ենք իրականացնում ԵԱՀԿ Մինսկի խմբի համանախագահների և ԱԳ նախարարների մակարդակով։

Ադրբեջանական APA գործակալության հաղորդմամբ՝ Բաքվի ռեստորաններից մեկում հարսանիքի ժամանակ զանգվածային ծեծկռտուք է տեղի ունեցել, որը ծագել է հյուրերից մեկի և հաստատության ադմինիստրատորի կոնֆլիկտից հետո։

Ադրբեջանական APA գործակալության հաղորդմամբ՝ Ադրբեջանի արտգործնախարար Էլմար Մամեդյարովը հայտարարել է, թե ԵԱՀԿ Մինսկի խմբի համանախագահները հոկտեմբերի երկրորդ կեսին կժամանեն տարածաշրջան։

Զինված տղամարդը գումար պահանջելու նպատակով ներխուժել է Թբիլիսիի ծայրամասում՝ Գլդանիում գտնվող Liberty Bank-ի մասնաճյուղ, հայտնում է «Գրուզիա օնլայնը»։ Հարձակումը տեղի է ունեցել այսօր առավոտյան։ Բանկի աշխատակիցը հասցրել է ոստիկանություն կանչել։

Սեպտեմբերի 28-ին տեղացած հորդառատ անձրևների հետևանքով Բաքվի որոշ հատվածներում ջրածածկ են եղել սեփական տների բակերը, փողոցներ և մայրուղիներ, տրանսպորտի երթևեկությունը դադարեցվել է։ Այս մասին հայտնում է ադրբեջանական haqqin.az պորտալը։