Կապիտան Ուրֆանյանը, խոցելով 1 տանկ և մոտ մեկ տասնյակ թշնամու զինվոր, վերջին նռնակով իր հետ միասին պայթեցրել է մոտեցողներին. Արծրուն Հովհաննիսյան
Արծրուն Հովհաննիսյանը ֆեյսբուքյան իր էջում գրել է.
«Ցավում և հիշում ենք…
4-րդ հրաձգային վաշտի հրամանատար,
կապիտան Արմենակ Մերսի Ուրֆանյան
Ծնված 1990թ., ԶՈՒ-ում ծառայում է 2007թ.-ից, Նորքի ԶԿ,
Հոգեհանգիստը տեղի կունենա 05.04.2016թ. ժամը 17:00
Հուղարկավորությունը` 06.04.2016թ. ժամը 14:00
հասցեն` ք. Երևան, Պռոշյան փողոց` Սբ. Հովհաննես եկեղեցի:
Կապիտան Ուրֆանյանը իր անձնակազմի հետ միասին երկար մարտի է բռնվել հակառակորդի հետ: Հակառակորդի գերազանցող ուժերի ճնշման տակ անձնակազմին հետ ուղարկելով միայնակ շարունակել է մարտը, խոցելով մեկ տանկ և մոտ մեկ տասնյակ թշնամու զինվոր: Վերջում մի քանի նռնակներ նետելով չի թողել իրեն շրջապատեն ու վերջին նռնակով իր հետ միասին պայթեցրել է մոտեցողներին: Փառք մեր հերոսներին»:
