10-ամյա աղջկա վրաերթի ենթարկած և փախուստի դիմած ավտոմեքենայի վարորդը ներկայացել է ոստիկանություն
Ինչպես տեղեկացրել էինք՝ ապրիլի 27-ին, ժամը 13.00-ին, անհայտ ավտոմեքենայի վարորդը Երևանի Շինարարների փողոցի թիվ 11 շենքի դիմաց վրաերթի էր ենթարկել 10-ամյա աղջկա, պատճառել վնասվածքներ և դիմել փախուստի:
Երեխան տեղափոխվել էր հիվանդանոց:
Ոստիկանության Մաշտոցի բաժնի ծառայողների բացատրական աշխատանքների շնորհիվ՝ նույն օրը 1978 թ. ծնված Արման Հ.-ն ներկայացել է ոստիկանության բաժին և հայտնել, որ վրաերթը «Մերսեդես» ավտոմեքենայով կատարել է ինքը։
Կատարվում է քննություն։
ՀՀ ոստիկանություն
