Ուկրաինայում ներքին տեղահանվածների թիվը հասնում է մոտ մեկ միլիոն մարդու. ՄԱԿ
Ուկրաինական UNIAN լրատվական գործակալության փոխանցմամբ՝ Ուկրաինայի արևելքի հակամարտության պատճառով ներքին տեղահանվածների թիվը հասել է գրեթե մեկ միլիոն մարդու: Այս մասին հայտարարել է ՄԱԿ-ի գլխավոր քարտուղարի՝ քաղաքական հարցերով օգնական Յենս Անդրեաս Տոբեռն-Ֆրանդզենը.
«Հակամարտության հետևանքով գործնականում մեկ միլիոն մարդ է տեղահանվել ինչպես Ուկրաինայում, այնպես էլ՝ հարևան երկրներում: Կարիքների աճի հետ մեկտեղ հումանիտար կազմակերպություններն ընդլայնում են իրենց ներկայությունը:
ՄԱԿ-ը համապարփակ ծրագիր է կազմակերպում՝ Ուկրաինայի արևելքում հակամարտությունից տուժած շրջանների ենթակառուցվածքների վնասի գնահատման ու անհրաժեշտ վերականգնման ուղղությամբ»:
