ԵՄ-ը ՌԴ-ի դեմ պատժամիջոցների չեղյալ հայտարարման հարցը կքննարկի հոկտեմբերի վերջին
![](https://168.am/wp-content/uploads/2014/10/pic_a4314e160acfe4f2067ae206cac0f01e.jpg)
Ռուսական РИА Новости լրատվական գործակալության փոխանցմամբ՝ ԵՄ-ի երկրները Ռուսաստանի դեմ սահմանած պատժամիջոցների չեղյալ հայտարարման հարցը քննարկելու են հոկտեմբերի վերջին: Այս մասին հայտարարել է Ռուսաստանում ԵՄ-ի ներկայացուցչության ղեկավար Վիգաուդաս Ուաշցկասը.
«Պատժամիջոցները վերանայվելու են այս ամսվա վերջին՝ կախված (Ուկրաինայում տիրող իրավիճակի) առաջընթացից, թե ինչպես կկայունանա իրավիճակը, դուրս կբերվեն զորքերը, սահմանի վրա կհաստատվի վերահսկողություն: Ելնելով այդ գործոններից՝ որոշում կընդունվի ամբողջովին կամ մասնակի չեղյալ հայտարարել պատժամիջոցները»:
ԵՄ-ն առաջին անգամ Ռուսաստանի դեմ պատժամիջոցներ է սահմանել Ղրիմի հանրաքվեից հետո: