Վերջին մեկ շաբաթվա ընթացքում Ուկրաինայի արևելքում զոհվել է 55 մարդ. ՄԱԿ
Ռուսական РИА Новости լրատվական գործակալության փոխանցմամբ՝ վերջին շաբաթվա ընթացքում Ուկրաինայի արևելքի հակամարտության հետևանքով զոհվել է 55 մարդ: Այս մասին նշված է ՄԱԿ-ի՝ հումանիտար հարցերի համակարգման վարչության պատրաստած զեկույցում, որը հրապարակվել է երեկ:
Ռազմական գործողությունների հետևանքով տուժել է ևս 425 մարդ: Վերջին տվյալներով՝ Ուկրաինայի արևելքում ռազմական գործողությունների սկսվելուց հետո զոհվել է 3682 մարդ, ավելի քան 8000 մարդ էլ վիրավորվել է: Ուկրաինայի արևելքում ռազմական գործողություններն ընթանում են 2014 թվականի ապրիլից:
