ՌԴ-ը միջոցներ կձեռնարկի Ուկրաինայի, Մոլդովայի ու Վրաստանի կողմից Ասոցացման համաձայնագրերի վավերացման դեպքում
Ռուսական РИА Новости լրատվական գործակալության փոխանցմամբ՝ Ռուսաստանը վերլուծելու է ԵՄ-ի հետ Մոլդովայի ասոցացումից բխող հնարավոր ռիսկերն ու որոշում է ընդունելու իր տնտեսությունը պաշտպանելու մասին: Այս մասին հայտարարել է Ռուսաստանի վարչապետ Դմիտրի Մեդվեդևը:
Մեդվեդևը կարևորել է ռուսական շուկայի համար հուսալի պաշտպանություն ապահովելը: Նա ընդգծել է, որ եթե Մոլդովայի խորհրդարանը վավերացնի ԵՄ-ի հետ Ասոցացման համաձայնագիրը, ապա իրենք ստիպված կլինեն այդ հարցում որոշում ընդունել ամենամոտ ժամանակներս:
Մեդվեդևը բնական է համարել, որ նույնը վերաբերվում է նաև Ուկրաինային ու Վրաստանին, որոնք Մոլդովայի նման, հունիսի 27-ին Ասոցացման համաձայնագիր են ստորագրել ԵՄ-ի հետ:
