Իրանը պատրաստ է ռազմական օգնություն ցուցաբերել Իրաքին. Ռոուհանի
Բրիտանական Reuters լրատվական գործակալության փոխանցմամբ` Իրանի նախագահ Հասան Ռոուհանին հայտարարել է, որ իր երկիրը պատրաստ է ռազմական օգնություն ցուցաբերել Իրաքին` կապված սուննի ապստամբների դեմ նրա մղած պայքարի հետ:
Ռոուհանին հավելել է, որ Թեհրանը դեռ օգնության խնդրանք չի ստացել Բաղդադից: Սրանից առաջ ամերիկյան The Wall Street Journal թերթը հայտնել էր, թե Իրաք են ուղարկվել իրանական մի շարք էլիտար գումարտակներ, որոնք զինյալներից հետ են գրավել Տիկրիտ քաղաքի մեծ մասը:
Պաշտոնական Թեհրանը հերքել էր այդ տեղեկատվությունը: Հունիսի 12-ին Իրաքին օգնություն էր խոստացել ԱՄՆ նախագահ Բարաք Օբաման:
