«Մեծ հավանականություն միշտ կա, որ մեր վարչապետի թեկնածուն լինի Ռ. Քոչարյանը» ԲՀԿ-ական անդամ. «Ժամանակ»
«Ժամանակի» զրուցակիցն է ԲՀԿ վարչության անդամ Վարդան Բոստանջյանը:
հաղորդաշարի հյուրն է ԲՀԿ վարչության անդամ Վարդան Բոստանջյանը:
-Պարո´ն Բոստանջյան, Ձեր կուսակցության առաջնորդը նախաձեռնել է մի գործընթաց, որն ի վերջո պետք է հանգուցալուծվիապրիլի 28-ին: Նշանակված է կառավարության անվստահությանօրը: Կցանկանայի, որ Դուք զուգահեռներ բերեիք այն ժամանակահատվածի հետ, երբ հատկապես 2009-2010 թթ. խոր ճգնաժամի հետևանքով Հայաստանի տնտեսությանը պատած դժվարությունների շրջանն էր, և Դուք Ձեր ընդդիմախոսների հետ պաշտպանում էիք այս կառավարության գործունեությունը, և համեմատեք այսօրվա վիճակը, երբ նույն կառավարությունըշարունակում է իր գործունեությունը, և այսօր Դուք եք ըստ էության դարձել այսօրվա կառավարության վարած քաղաքականության հիմնական քննադատողը: Որո՞նք են հիմնական տարբերությունները:
-Անկախ կոալիցիոն գործընկերությունից, 2009-2010 թթ. մեր վարքագծից` քաղաքականության մեջ մեկ ամիսն էլ նշանակություն ունի, որ ուժերն իրենց դիրքորոշումները փոխեն։ Իսկ ինչ վերաբերում է կառավարության գործունեության ծրագրին անգամ մինչև խոր ճգնաժամը, բայց պետք է հիշեցնեմ, որ կա հետևյալ արձանագրությունը, որ Բոստանջյան Վարդանը հանդես եկավ կառավարության գործունեության ծրագրի վերաբերյալ իր խոսքով 2008թ.: Դեռևս ճգնաժամի մասին խոսակցություն չկար, բայց ես արտահայտել եմ այդ ծրագրի վերաբերյալ իմ մոտեցումները, մտահոգությունս՝ անկախ ճգնաժամից, որ կարծես թե նվաճումները շատ բարձրաոճ են: Սա կարելի է համարել զգուշացում, որ մենք խնդիրներին մոտենանք ավելի շրջահայաց ձևով։
Դրանից հետո ճգնաժամը, որպես այդպիսին, եղավ ամբողջ աշխարհում, բայց գոնե մեր գործադիր իշխանության բարձր մակարդակի արտաբերածով մենք հասկացանք, որ հնարավոր է ընդհուպ, որ ճգնաժամը շրջանցի Հայաստանը։ Սա ևս մեկ մոտեցում էր, համաձայն որի՝ մենք բոլորս էլ ըստ էության ուրախ էինք դրա համար: Բայց հետագայում պարզվեց, որ նշված բոլոր ուղղություններով զարգացումները, մակարդակները չեն կատարվել, և դա կարող էր հիմք ծառայել, որ քաղաքական առումով տեղի ունենար այն, ինչ հիմա տեղի է ունենում, մասնավորապես գործադիր իշխանությանը անվստահություն հայտնելու խնդիրը:
Անկախ նրանից` կմիանան խորհրադարանում ներկայացված իշխանական ուժերը, թե չեն միանա, պարզապես ինչպես ցանկացած մտահոգ քաղաքացի իրավունք ունի որոշակիորեն իր դիրքորոշումն արտահայտելու ապագայի, մեր նպատակների վերաբերյալ:
-Ոչ իշխանական ուժերի հիմնական հռետորաբանությունը մինչև օրս եղել են համակարգային փոփոխությունների անհրաժեշտության մասին նրանց դիտարկումները, պնդումները, որ Հայաստանում ոչինչ հնարավոր չէ հատվածական փոխել, պետք է ամբողջական փոփոխություններ լինեն։ Ըստ Ձեզ, այստնտեսական քաղաքականության համար կառավարության, նախագահի պատասխանատվությանչափաբաժինն ինչքան է, և ինչո՞ւ չգնալ համակարգային փոփոխությունների ճանապարհով ու չպահանջելամբողջական իշխանափոխություն և մեկընդմիշտ լուծել հարցը:
-Ըստ իս, որոշակի տեղերից հնարավոր էր նաև հրահանգված լինի հենց հատկապես այդպիսի մոտեցում։ Ինչու համակարգային չէ: Այո, դա էլ հնարավոր է և ճիշտ առումով հենց այդպես էլ պետք է լինի:
-Այսինքն՝ ԲՀԿ-ն պետք է պահանջի՞ Սերժ Սարգսյանի հրաժարականը:
-Ես դա չասացի: Ես ասացի` գուցե նաև ճիշտը համակարգայինն է, բայց բոլոր դեպքերում պետք է նաև հասկանալ, որ քաղաքական ուժերը մեթոդական մոտեցումներով, այսինքն՝ երկրում Մայդաներ չլինելու, ցնցումներ չլինելու համար քաղաքական որևէ մոտեցում են դրսևորում, որը հետապնդում է շատ հստակ նպատակ` իշխանությունների գործունեության արդյունավետության բարձրացում:
-Այսինքն՝ Դուք պատկերացնում եք, որ այսպիսի դասավորությամբ ԱԺ-ի պարագայում հնարավոր է գնալ կառավարության փոփոխության և Սերժ Սարգսյանի նախագահությամբ երկրում նոր կառավարությո՞ւն հիմնել:
– Որպես քաղաքացի և ԲՀԿ անդամ՝ ես ուզում եմ, որ ՀՀ-ում հարաբերությունների կառուցումը լինի արդյունավետ։ Դա պայմանավորվում է հետևյալ հանգամանքով. անկախ ցանկացած կուսակցական դեգերումներից, ես մի բան գիտեմ, որ ես ուզում եմ, որ մենք ունենանք աշխատանք, արժանավայել եկամուտ, ունենանք մեր երկրի կառուցման համար լիցք, չունենանք արտագաղթ կամ աղքատության այնպիսի մակարդակ, ինչպիսին որ պաշտոնապես այս պահին գրանցված է։ Սա հիմնական ցանկություններն են ոչ միայն իմ, այլև մեր հասարակության յուրաքանչյուր անդամի: Եվ նման պարագայում քաղաքական ուժերը խնդիր չեն ունենա որևէ մեկի հրաժարականի վերաբերյալ:
-Այս իշխանությունն ինչ-որ առումով վերարտադրվել է նաև Ձեր կուսակցության ջանքերով: 2008 թ. դեպքերեն տեղի ունեցել` մարտի 1-ը, դրան հաջորդող իրադարձությունները, որի տակ ստորագրել է նաև Ձերկուսակցության առաջնորդը, և այն արատները, որոնց պտուղներն այսօր նաև դուք եք քաղում, դրվել եննախորդ իշխանության, նաև այս իշխանության մի ժամանակահատվածում, երբ Դուքպատասխանատվություն եք կրել, երբ շատ քայլեր և որոշումներ կայացվել են ի հեճուկս և ընդդեմհասարակական տրամադրությունների ու ցանկությունների: Ուստի այս ավանդույթը նոր չէ, և դրանից պետք չէբողոքել: Ըստ Ձեզ, Ձեր մտահորիզոնում, որպես հավանական թեկնածու, Ռոբերտ Քոչարյանը վարչապետիպաշտոնում դիտարկվո՞ւմ է, թե՞ ոչ:
-Ես որևէ տեղ չեմ լսել այդ մասին, բայց ես միտքս արտահայտել եմ: Ի դեմս Ռոբերտ Քոչարյանի՝ ես 10 տարիների ընթացքում հասկացել ու տեսել եմ ուժեղ անձնավորության:
-Այսինքն՝ չե՞ք բացառում, որ, օրինակ, կարող է այս գործընթացը ինչ-որ առումով նաև կապ ունենա ՌոբերտՔոչարյանին վարչապետի պաշտոնին բերելուն:
-Ես նման բան չեմ ասում, բայց ոչինչ էլ չեմ բացառում:
-Այսինքն՝ հավանական համարո՞ւմ եք:
-Դա այնպիսի հարց է, որ այդպես զարմանալու չէ, ու մեծ հավանականություն միշտ կա, հատկապես Ռոբերտ Քոչարյանի կտրվածքով։
-Չե՞ք կարծում, որ նաև Ձեր կուսակցության ներսում կան պատգամավորներ, ոորնք ավելի շատ նախագահիազդեցության տակ են, քան Ձեր կուսակցության առաջնորդի, և նույնն էլ ՀՀԿ-ում բավական պատգամավորներկան, որոնք գուցե այնքան էլ Սերժ Սարգսյանի ազդեցության տակ չեն, այլ Ռոբերտ Քոչարյանի կամ ԳագիկԾառուկյանի: Եվ հնարավո՞ր է, որ այս քվեարկությամբ ԱԺ-ում փոխատեղումներ լինեն:
-Ես այս հարցի շուրջ մտածված ձևով էլ չեմ խորացել: Շարունակության կտրվածքով կարող եմ ասել՝ թող լինի:
– Հնարավո՞ր է այդ փոխատեղումների արդյունքում նոր մեծամասնություն ձևավորվի՝ ի դեմս ԲՀԿ-ի:
-Ամեն ինչ հնարավոր է:
-Այսինքն՝ այդպիսի ծրագրե՞ր էլ կան:
-Իհարկե: Ոչ մի իշխանություն, ոչ մի երկիր հաստատուն չի մնում մինչև հավերժություն:
-Ես գիտեմ, որ Դուք Մաքսային Միությանը ՀՀ անդամակցության պաշտպաններից եք:
-Այո´:
-Այսօր լրջագույն մտահոգություն կա, որ այն պատժամիջոցները, որոնք արդեն եղել են և սպասվում ենՌուսաստանի նկատմամբ, էապես հարվածելու են նաև Հայաստանին, տնտեսությանը, և գոնե տրասֆերտներիտեսքով մենք էական նվազում ենք ունենալու: Եթե ոչ ամբողջ բյուջեի ծավալի չափով, ապա գոնե կեսի չափովտրանսֆերներ ունենք, որ տարեկան ստանում ենք դրսից, և դրանց առյուծի բաժինը Ռուսաստանին է բաժինընկնում:
– 85 տոկոսը: Ասեմ հետևյալը. բազմաթիվ այդպիսի լոկալ բաներ կան, որոնք բերում են նրան, որ ես ՄՄ-ին կողմ լինեմ։ Բայց մի պահ, անկախ ամենից, ես ասում եմ հետևյալը. գոյություն ունեն ժողովրդավարական արժեքներ, մարդու իրավունքներ, միջազգային իրավունքի նորմեր…
-Ձեր նշածներից ոչ մեկը ՄՄ անդամ երկրներին հատուկ չէ:
-Ես ՄՄ կտրվածքով չեմ ասում: Հասկանալի է, որ բոլոր այդ արժեքները գեներացնողները բացառապես դրանք օգտագործում են միայն իրենց շահերի համար: Մասնավորապես, մենք տեսանք, թե Իրաքի հետ ինչ տեղի ունեցավ, Լիբիայի հետ ինչ տեղի ունեցավ, ինչ է տեղի ունենում Սիրիայում և այլն: Ես հասկանում եմ, որ բնականորեն տիեզերական ցանկացած օբյեկտ ունի աշխարհագրական բևեռ, մագնիսկան բևեռներ: Այսինքն՝ հավասարակշռությունը հնարավոր է պահպանել միմիայն այդ պարագայում:
-Այսինքն՝ ժողովրդավարությանը հակակշռել բռնապետությունը:
-Թող լինի բռնապետություն, բայց ես ասում եմ, որ պետք չէ թույլ տալ ԱՄՆ-ի միաբևեռ կառավարման համակարգի ստեղծմանը: Մինչև անգամ որոշների վերացման գնով էլ պետք է լինի մյուս բևեռը: Եվ բոլոր դեպքերում հարձակումներ բևեռի նկատմանբ լինում են Ղրիմի տեսքով, ժողովրդավարական արժեքների տեսքով:
-Հայաստանի անկախության շանտաժների և սպառնալիքների գնո՞վ հասնել սեպտեմբերի 3-ի:
-ՀՀ-ն ունի անկախության խնդիր` անկախ Ռուսաստանից, կամ Եվրոպայից, կամ ԱՄՆ-ից:
-Սեպտեմբերի 2-ին ո՞րն էր մեր վտանգը, որ սեպտեմբերի 4-ին դադարեց լինելուց: Նույնիսկ սպառնալիքը, որըեթե Թուրքիան է՝ շարունակում է մնալ, եթե Ադրբեջանն է՝ շարունակում է մնալ:
-Գոնե մենք հասկացանք, որ, օրինակ, ՆԱՏՕ-ն կամ մյուս բևեռը երբևէ որևէ մեկինն էլ, բացի…
-Մենք ՆԱՏՕ չենք էլ ձգտել:
-Ես մեզ չեմ ասում: Նրանք ոչ Ուկրաինային օգնեցին, ոչ որևէ մեկին:
-Նրանք պարտավորություն չեն էլ ունեցել:
-Իհարկե, ինչո՞ւ պետք է ունենային: Նրանք ուզում են իրենց նպատակներին հասնել…
-Դրա համար նրանց կարել էր պատժել Ղրիմը բռնակցելով։
-Ես գիտեմ հետևյալը: Ես ինքս Եվրոնեստի անդամ եմ եղել, երեք ու կես տարի մասնակցել եմ Ասոցացման համաձայնագրի բանակցություններին և ասում եմ, որ մենք ավելի խոր չենք մտածում, քան մտածել է մեր հանրապետության նախագահը, որը որոշում կայացրեց ամսի 3-ին՝ հանգրվանելու այդ դաշտում:
-Իսկ Արևմուտքը ինչո՞ւ իր պատժամիջոցների թիրախը ընտրեց հենց ռուս օլիգարխներին։
-Բոլոր հասարակությունների բոլոր ժամանակներում էլ օլիգարխներն են եղել իշխանության կրողները: Այսօրվա դրությամբ էլ միաբևեռ կառավարողները:
-Հայաստանի հետ ասոցացիանե՞ր: Մենք էլ ունենք օլիգարխներ, Ձեր կուսակցության առաջնորդն էլ օլիգարխէ:
-Բոլոր պարագաներում, ամբողջ շարժի հիմնական շարժիչ ուժը հանդիսանում է օլիգարխը:
-Թե՞ այդ շարժը, առաջադիմությունը զսպողն են:
-Կարող է լինել առաջադիմության և՛ զսպողը, և՛ խթանողը ` նայած ինչ իրավիճակում ենք գտնվում:
-Որպես վերջաբան, այսօր օլիգարխիայի գլխավորությամբ իշխանական այս 4 հրաշալիները առաջ ենշարժվում և մտքում ունեն կառավարության հրաժարականին հասնելու նպատակներ: Մենք առա՞ջ ենք շարժվում, թե՞…
-Ըստ իս, մենք առաջ ենք շարժվում, որովհետև անկախ այն հանգամանքից` կառավարության հրաժարականի պահանջ ներկայացնելը և դրանով արդյունքի հասնելը կհաջողվի, թե ոչ՝ բոլորիս համար հասկանալի է, որ նման միտումները բերում են որոշում կայացնողների զգաստության, գործունեության արդյունավետության, պրոֆեսիոնալ մարդկանց ներառման: Ընդհանրապես, եթե աշխարհում էլ մի տեղ տեսնում եք զարգացում, ուրեմն գոյություն ունեցող իշխանությանը ինչ-որ մեկը բողոք ներկայացնելու հավակնություն ունի։ Իսկ բողոքը գործոն է հանդիսանում, որ նրանք իրենց աշխատանքը ավելի արդյունավետ դարձնեն։ Այդ պրոցեսը տեղի է ունենում մեզ մոտ։ Պարզապես զարմանալի է, որ հասարակական կազմակերպությունները, քաղաքական ուժերն ուզում են շփոթմունք առաջացնել:
Ամբողջությամբ կարդացեք «Ժամանակի» այսօրվա համարում։
