Նազարբաևն առաջարկել է անվանափոխել Ղազախստանը
Ղազախստանի նախագահ Նուրսուլթան Նազարբաեւը երկիրն անվանափոխելու հնարավորությանը դեմ չէ, հաղորդում է Tengrinews գործակալությունը: Հարցին Նազարբաեւն անդրադարձել է հանրության ներկայացուցիչների հետ հանդիպման ժամանակ: «Մեր երկիրն ունի «ստան» վերջավորություն, ինչպես եւ Միջին Ասիայի մյուս պետությունները: Միաժամանակ, օտարերկրացիները հետաքրքրություն են դրսեւորում, օրինակ, Մոնղոլիայի նկատմամբ, որը նման վերջավորություն չունի իր անվան մեջ»,-ասել է Նազարբաեւը: Հնարավոր տարբերակներից նա նշել է «Қазақ елі» («Ղազախական ժողովուրդ») անվանումը:
«Հնարավոր է` քննարկվի անվանափոխության հարցը, սակայն դա անպայման կքննարկվի նաեւ ժողովրդի հետ»,-ասել է նա:
