Առողջապահության նախարարը դիմել է դատախազություն. «Հայկական Ժամանակ»
«Հայկական Ժամանակը» գրում է. Առողջապահության նախարար Դերենիկ Դումանյանը, ով վստահեցրել է, որ դատի է տալու ԱԺ ՀԱԿ խմբակցության պատգամավոր Լյուդմիլա Սարգսյանին, դիմել է գլխավոր դատախազություն։ Այս մասին երեկ «ՀԺ»-ի թղթակցին հայտնել են ԱՆ լրատվականից։ Նախարարը դատախազությանը խնդրել է ուսումնասիրել Լ. Սարգսյանի այն հայտարարությունները, որ բուժհաստատություններում «ատկատների» չափը տատանվում է 5-10 տոկոսի սահմաններում և հիմքերի առկայության դեպքում ընթացք տալ դրանց։ «Նախարարությունը թույլ չի տա որևէ անձի անել անհիմն հայտարարություններ՝ վարկաբեկելով համակարգի պատիվը, հակառակ դեպքում կառաջնորդվի ՀՀ օրենսդրությամբ սահմանված կարգով։
Կարդացեք «Հայկական Ժամանակի» այսօրվա համարում
