ԿԱՀ-ի ինքնահռչակ նախագահը հրաժարական է տվել
France-Presse լրատվական գործակալության փոխանցմամբ՝ ԿԱՀ-ի ինքնահռչակ նախագահ Միշել Ջոտոդիան հրաժարական է տվել: Ջոտոդիան պետության ղեկավար էր դարձել 2013 թվականի մարտի վերջին՝ պետական հեղաշրջման արդյունքում: Պետության նախկին ղեկավար Ֆրանսուա Բոզիզեն մայրաքաղաք Բանգիից փախել էր արտասահման:
Մինչև իրեն երկրի նախագահ հռչակելը Ջոտոդիան ղեկավարում էր մուսուլմանական «Սելեկա» ապստամբական շարժումը: Այն բանից հետո, ինչ իսլամ դավանող Ջոտոդիան իրեն հռչակեց երկրի նախագահ, ողջ երկրում սկսվեց տեղային բախումներ իսլամականների ու քրիստոնյաների շահերը պաշտպանող գյուղական ոստիկանության միջև:
2013 թվականի դեկտեմբերի վերջին քրիստոնյա աշխարհազորայինների ջոկատները ԿԱՀ-ի մայրաքաղաք Բանգիում հարձակում գործեցին երկու մուսուլմանական շրջանի վրա: ԿԱՀ-ում հարաբերական կայունությանն աջակցելու համար այդ երկրում են գտնվող Ֆրանսիան ու Աֆրիկյան միությունը ներկայացնող խաղաղապահները:
Ֆրանսիական նախկին գաղութ ԿԱՀ-ն անկախություն է ձեռք բերել 1960 թվականին: ԿԱՀ-ը հարուստ է բնական պաշարներով և բավականաչափ բարեբեր հողերով: Եվ չնայած դրան՝ նա շարունակում է մնալ որպես աշխարհի ամենաաղքատ երկրներից մեկը:
