ԱՄՆ պետդեպարտամենտը ԵԱՀԿ-ին կոչ է արել մեծացնել ուշադրությունը ձգձգվող հակամարտությունների նկատմամբ
Ադրբեջանական Turan լրատվական գործակալության փոխանցմամբ՝ ԱՄՆ պետդեպարտամենտը հայտարարել է, որ ԵԱՀԿ-ի օրակարգում պետք է ընդգրկվեն ձգձգվող հակամարտությունների կարգավորման վերաբերյալ կոնկրետ ու իրատեսական քայլերը: Այս մասին նշված է ԱՄՆ պետդեպարտամենտի կայքում:
Հայտարարությունում խոսք է գնում նաև ոչ վաղ անցյալում Կիևում ԵԱՀԿ նախարարական հանդիպման շրջանակներում տեղի ունեցած Հայաստանի ու Ադրբեջանի արտգործնախարարների հանդիպման մասին, որին մասնակցել են նաև ԵԱՀԿ Մինսկի խմբի համանախագահները:
Հանդիպման արդյունքներով ընդունված հայտարությունը հավանության է արժանացել ԵԱՀԿ Նախարարների խորհրդի կողմից: ԱՄՆ պետդեպարտամենտը հուսադրող է համարում դա՝ Ղարաբաղյան հակամարտության խաղաղ կարգավորման գործընթացում առաջ ընթանալու համար:
