Հունաստանի վարչապետը հաջորդ շաբաթ կժամանի Ադրբեջան
Ադրբեջանական APA լրատվական գործակալության փոխանցմամբ՝ Հունաստանի վարչապետ Անտոնիս Սամարասը հաջորդ շաբաթ ժամանելու է Ադրբեջան: Այցը կապված է «Անդրադրիատիկ» (TAP) գազատարի մասին համաձայնագրի ստորագրման հետ:
Հունական ԶԼՄ-ները հաղորդել են, որ Սամարասն իր ադրբեջանական այցի ժամանակ հանդիպելու է նաև Ադրբեջանի նախագահ Իլհամ Ալիևի հետ և քննարկելու է երկկողմ համագործակցությանն առնչվող հարցեր: Դա մասնավորապես վերաբերում է ադրբեջանական SOCAR-ի կողմից հունական DESFA ընկերության գնմանը:
Ադրբեջանական այցի ժամանակ Սամարասին ուղեկցելու է Հունաստանի էներգետիկայի փոխնախարար Մակիս Պապագեորգիուն: TAP-ի մասին համաձայնագիր ստորագրելու համար հաջորդ շաբաթ Ադրբեջան են ժամանելու նաև Իտալիայի ու Ալբանիայի վարչապետները:
