ՄԻՊ-ը Դատական դեպարտամենտի հասարակայնության հետ կապերի ծառայության պետին թույլ չի տվել մասնակցել իր ասուլիսին

Մարդու իրավունքների պաշտպան Կարեն Անդրեասյանը դատարանների գործունեության վերաբերյալ իր զեկույցի ներկայացմանը թույլ չի տվել մասնակցել ՀՀ Դատական դեպարտամենտի հասարակայնության հետ կապերի ծառայության պետ Արսեն Բաբայանին, պնդելով, որ նրա ներկայությունը ճնշում է իրեն: Այդ մասին Lurer.com-ի հետ զրույցում ասել է Ա. Բաբայանը՝ նշելով, որ ՄԻՊ-ի պատճառաբանությունը, թե մասնակցում են միայն լրատվամիջոցների ներկայացուցիչներ, լուրջ չէ: Ինքը զեկույցի վերաբերյալ բազմաթիվ հարցադրումներ ուներ, ինչից խուսափելով, հավանաբար, պաշտպանը դուրս հրավիրեց Բաբայանին:

Հիշեցնենք, որ այսօր ՀՀ մարդու իրավունքների պաշտպան Կարեն Անդրեասյանը զեկույց է հրապարակել ՀՀ-ում արդար դատաքննության վերաբերյալ և ներկայացրել ՀՀ դատական համակարգի թերությունները: