Հասան Ռոուհանին սահմանել է այն «կարմիր գծերը», որոնք չպետք է հատվեն օտարների կողմից
Իրանական Fars լրատվական գործակալության փոխանցմամբ՝ Իրանի ժողովուրդը թշնամաբար տրամադրված չէ ամերիկացիների հանդեպ: Այս մասին Իրանի կառավարության նիստում հայտարարել է նախագահ Հասան Ռոուհանին:
Նա ընդգծել է, որ Իրանի ժողովուրդը դատապարտում է իր երկրի հանդեպ թշնամական քաղաքականություն վարելը: Ռոուհանիի խոսքերով՝ «Վեցյակի» հետ բանակցություններ վարելու նպատակը տրամաբանության ու դիվանագիտության օգնությամբ երկրի իրավունքների վերականգնումն է:
Ռոուհանին սահմանել է այն «կարմիր գծերը», որոնք չպետք է հատվեն օտարների կողմից: Խոսքն Իրանի ազգային ինքնիշխանության, երկրի անկախության և մարդու իրավունքների մասին է:
