Կիրակի տեղի կունենա Արեգակի հիբրիդային խավարում
Արեգակի խավարման հազվադեպ` հիբրիդային տեսակը կիրակի հնարավոր կլինի տեսնել Աֆրիկայում եւ Ատլանտյան օվկիանոսի ջրային տարածքի վրա, հաղորդում է NASA-ն:
Հիբրիդային խավարման դեպքում տեղի է ունենում աբողջականից օղակաձեւ խավարում եւ հակառակը: Վերջին անգամ հիբրիդային խավարում տեղի է ունեցել 2005թ. ապրիլին, իսկ հաջորդը տեղի կունենա 10 տարի անց` 2023թ-ին:
Խավարումը կսկսվի կիրակի ցերեկը. այդ ժամին այն կարող են տեսնել Կարիբյան կզղիների, Լատինական Ամերիկայի եւ ԱՄՆ արեւելյան ափի բնակիչները: Օղակաձեւ խավարումը կտեւի մոտ 15 վայրկյան, որից հետո ամբողջական կդառնա: Լուսնի ստվերը կանցի օվկիանոսի վրայով եւ ժամեր անց կհասնի Աֆրիկա` Կոնգո, Քենիա, Ուգանդա:
