Իրաքից Թուրքիա եկող նավթամուղը ենթարկվել է վերջին 10 տարվա խոշորագույն հարձակման
![](https://168.am/wp-content/uploads/2013/08/kuzey-irak-turkiye-boru-hattina-bombali-saldiri-4967815_3491_400.jpg)
Թուրքական Doğan լրատվական գործակալության փոխանցմամբ՝ պայթեցվել է Հյուսիսային Իրաքից Թուրքիա ձգվող «Քիրքուք-Յումուրթալըք» (Ջեյհան) նավթամուղը, ինչի հետևանքով կասեցվել է խողովակաշարով նավթի մատակարարումը:
Խողովակաշարը պայթեցվել է երեք առանձին հատվածում՝ Նինվեի ու Քիրքուքի մերձակայքում: Երեք առանձին ռմբային հարձակման ենթարկվելը վկայել է, որ դա եղել է կազմակերպված ու կոորդինացված ակցիա:
Իրաքցի չինովնիկների խոսքերով՝ վերջին 10 տարում (2003 թվականից) դա նավթամուղի դեմ իրականացված խոշորագույն հարձակումն է, խողովակաշարը լրջորեն վնասվել է: Նշվում է, որ վերջին 2 ամսվա ընթացքում խողովակաշարը ռմբային հարձակման է ենթարկվում ուղիղ 37-րդ անգամ: