Հարյուրավոր միլիոններ՝ Ուկրաինային

Ֆինլանդիայի նախագահ Ալեքսանդր Սթուբը հաստատել է Ուկրաինային ռազմական օգնության նոր՝ թվով 34-րդ փաթեթի հատկացման մասին որոշումը: Փոխանցվող պաշտպանական գույքի և սարքավորումների ընդհանուր արժեքը կազմում է մոտ 290 միլիոն եվրո։

Ինչպես ընդգծել է պետության ղեկավարը, տրանշում  ներառվել է հատուկ սարքավորում, որը Կիևը խնդրել էր օպերատիվ-հրատապ կարգով: Անվտանգության նկատառումներից ելնելով և մատակարարումների հուսալիությունն ապահովելու համար փաթեթի հստակ բաղադրության, ինչպես նաև դրա փոխադրման ուղիների և ժամկետների մասին մանրամասները, ավանդույթի համաձայն, չեն հրապարակվում։