Վալերի Օսիպյանը՝ Վարդգես Գասպարիին բերման ենթարկելու մասին
«Հարսնաքար» ռեստորանային համալիրի մոտ հավաքված ակտիվիստները մեզ հետ զրույցում ասացին, որ ակտիվիստ Վարդգես Գասպարիին ոստիկանները բերման են ենթարկել բռնի ուժով:
Լրագրողները Երևանի փոխոստիկանապետ Վալերի Օսիպյանից, ով ամբողջ ակցիայի ընթացքում գտնվում է ռեստորանային համալիրի տարածքում, հետաքրքրվեցին՝ ինչո՞ւ են բերման ենթարկել Վարդգես Գասպարիին:
Ի պատասխան, նա ընդամենը նշեց, թե Վարդգես Գասպարին ոստիկանության բաժանմունք է հրավիրվել, քանի որ «խախտել է կարգը»:
Հարցին, թե մասնավորապես ի՞նչ կարդ է խախտել Վարդգես Գասպարին, Վալերի Օսիպյանը հրաժարվեց պատասխանել՝ հորդորելով «մնացած հարցերով» դիմել Ոստիկանության լրատվական ծառայություն:
