ԵՄ երկրները Անկարայից պահանջում են ռուսական ծագում չունեցող գազի հավաստագիր
Թուրքիայի էներգետիկայի նախարար Ալփարսլան Բայրաքթարը A Haber հեռուստաընկերության եթերում հայտարարել է, որ եվրոպական երկրները Անկարայից պահանջում են իրավական հավաստագրեր, որոնք կհաստատեն արտահանվող գազի ոչ ռուսական ծագումը։
Նրա խոսքով՝ Թուրքիան պարտավոր է իրավական ձևակերպում տալ մատակարարումներին և ԵՄ գնորդներին տրամադրել պաշտոնական հավաստագրեր՝ նշելով գազ արտադրող երկիրը։ Սակայն գազի ծագումն ապացուցել հնարավոր չէ, քանի որ այն ընդհանուր խողովակաշար մտնելուց հետո անհնար է որոշել դրա իրական աղբյուրը։
Ավելի վաղ տեղեկություններ էին հայտնվել Ադրբեջան-Թուրքիա գազատարում «ռուսական հետքի» առկայության մասին։ Ըստ որոշ տվյալների՝ Ադրբեջանը տարեկան մոտ 2 մլրդ խմ գազ է գնում Ռուսաստանից և այն վերավաճառում Եվրամիությանը՝ որպես սեփական արտադրանք։
