Փաշինյանի վերաբերյալ կոմպրոմատ ունեն. Ուրսուլա ֆոն դեր Լայենը նրան փակուղի է մտցրել. Դավիթ Ջամալյան
168TV-ի «Թրիգեր» հաղորդաշարի հյուրը ռազմական փորձագետ Դավիթ Ջամալյանն է:
Հաղորդման ընթացքում մանրամասնորեն դիտարկվել են տարածաշրջանային և միջազգային օրակարգի առանցքային հարցերը, ինչպես նաև դրանց ազդեցությունը Հայաստանի անվտանգության և արտաքին քաղաքական դիրքի վրա։
Կենտրոնական թեմաներից մեկն են դարձել հուլիսի 18-ին նախատեսված ԱՄՆ-ի և Իրանի միջև առաջիկա բանակցությունները, ինչպես նաև դրանց արդյունքների հնարավոր հետևանքները Մերձավոր Արևելքի և Հարավային Կովկասի համար։
Առանձնահատուկ ուշադրություն է դարձվել Հայոց ցեղասպանությունը ճանաչելու վերաբերյալ Իսրայելի որոշման քննարկմանը և դրա քաղաքական նշանակությանը ժամանակակից միջազգային հարաբերություններում։
Փորձագետը վերլուծել է նաև նախագահ Ուրսուլա ֆոն դեր Լայենի այցը տարածաշրջան։ Քննարկման կենտրոնում են հայտնվել նրա ուղևորությունները Բաքու և Երևան, ինչպես նաև Հարավային Կովկասում Եվրոպական միության շահերն ու քաղաքականությունը։
Ծրագրի շրջանակներում դիտարկվել են Հայաստանի ներքաղաքական գործընթացները, հայ-ռուսական հարաբերությունները և տարածաշրջանում իրավիճակի հետագա զարգացման հնարավոր սցենարները։
Առանձին թեմա է դարձել Թուրքիայի արտաքին գործերի նախարար Հաքան Ֆիդանի այցը Մոսկվա, Ռուսաստանի և Թուրքիայի դերը Հարավային Կովկասում, ինչպես նաև Ադրբեջանի նախագահի օգնական Հիքմեթ Հաջիևի և Հայաստանի Անվտանգության խորհրդի քարտուղար Արմեն Գրիգորյանի հանդիպումը։
Հաղորդման ավարտին քննարկվել են այն հիմնական մարտահրավերներն ու հեռանկարները, որոնք ծառացած են Հայաստանի առջև՝ արագորեն փոփոխվող աշխարհաքաղաքական իրադրության պայմաններում։
Հայկ Դերզյան
