ԱՄՆ-ը մեկ ամսով երկարաձգել է «Լուկոյլի» արտասահմանյան ակտիվների վաճառքի ժամկետը

ԱՄՆ-ը մինչև հուլիսի 25-ը երկարաձգել է ռուսական «ԼՈՒԿՈՅԼ» (MOEX: LKOH) նավթային ընկերության արտասահմանյան ակտիվների վաճառքի շուրջ բանակցություններ վարելու լիցենզիայի գործողության ժամկետը։ Այս մասին տեղեկացվում է ԱՄՆ ֆինանսների նախարարության Օտարերկրյա ակտիվների վերահսկողության գրասենյակի (OFAC) փաստաթղթից։

Ամերիկյան գերատեսչությունն այս արտոնագիրը տրամադրել էր 2025 թվականի հոկտեմբերին։ Այն երկարաձգվել է մի քանի անգամ, վերջինը՝ մայիսի վերջին։ Փաստաթուղթը թույլ է տալիս բանակցություններ վարել «Lukoil International GmbH»-ի վաճառքի, օտարման կամ փոխանցման շուրջ։

2025 թվականի հոկտեմբերին ԱՄՆ ֆինանսների նախարարությունը պատժամիջոցներ էր սահմանել «ԼՈՒԿՈՅԼ»-ի դեմ, ինչից հետո ընկերությունը բանակցություններ սկսեց արտասահմանյան ակտիվների վաճառքի շուրջ։ Հունվարին «ԼՈՒԿՈՅԼ»-ը նախնական համաձայնության է եկել «Lukoil International GmbH»-ը ամերիկյան «Carlyle» ներդրումային հիմնադրամին վաճառելու հարցում։ Գործարքը պետք է արժանանա ԱՄՆ ֆինանսների նախարարության հավանությանը։