Դմիտրի Մեդվեդևը՝ Եվրոպայի և ԱՄՆ-ի մասին. «Voilà, bóbr kurwa!»
ՌԴ Անվտանգության խորհրդի նախագահի տեղակալ Դմիտրի Մեդվեդևը հիշել է հայտնի լեհական ինտերնետ-մեմը՝ խոսելով Եվրոպայի, ԱՄՆ-ի և Ռուսաստանի փոխհարաբերությունների մասին։ Համապատասխան գրառումը քաղաքական գործիչը հրապարակել է իր Telegram-ալիքում։
Մեդվեդևը խոսել է Եվրոպական միության՝ Ռուսաստանի հասցեին հնչեցվող կոշտ հայտարարությունների մասին և ընդգծել, որ Բրյուսելը պետք է «խելքի գա» և գիտակցի իր բազմաթիվ ներքին խնդիրներն ու ԱՄՆ-ից ունեցած կախվածությունը։
Նա ընդգծել է, որ Վաշինգտոնը չի պատրաստվում պաշտպանել Եվրոպային, հատկապես եթե այն հակամարտության մեջ մտնի Ռուսաստանի հետ։ Այս պայմաններում, Մեդվեդևի կարծիքով, ԵՄ-ն պետք է գնահատի իր հնարավորությունները՝ առանց ԱՄՆ-ի աջակցության վրա հույս դնելու։
«Մինչև գոռալը պատրաստակամության մասին՝ վճռական հակահարված տալու Կրեմլին և ջախջախիչ պարտություն հասցնելու Ռուսաստանին, պարզապես գնահատեք ձեր ուժերը՝ առանց ԱՄՆ-ի հնարավորությունները հաշվի առնելու», — գրել է Մեդվեդևը։
Գրառման վերջում նա հիշել է հայտնի ինտերնետ-մեմը՝ լրացնելով իր միտքը, որ Եվրոպան պետք է հոգա իր օբյեկտների անվտանգության մասին։
«Voilà, bóbr kurwa!» — եզրափակել է Մեդվեդևը։
Ավելի վաղ նա նաև նշել էր, որ Եվրոպայում փորձում են ստեղծել լիարժեք ռազմական բաղադրիչ, որը ապագայում կարող է նույնիսկ ավելի թշնամական լինել Ռուսաստանի նկատմամբ, քան ՆԱՏՕ։
