Իրանում կոշտ արձագանքել են բանակցությունների վերաբերյալ Թրամփի հայտարարությանը
«Խաթամ ալ-Անբիա» կենտրոնական հրամանատարության խոսնակ Էբրահիմ Զոլֆաղարին կոշտ արձագանքել է ԱՄՆ նախագահ Դոնալդ Թրամփի՝ Թեհրանի հետ բանակցություններում առաջընթացի մասին հայտարարությանը, հաղորդում է Sky News-ը։
«Յուրաքանչյուր ոք, ով հավակնում է լինել համաշխարհային գերտերություն, վաղուց կհեռանար այս խառնաշփոթից, եթե կարողանար»,- ասել է նա։
Զոլֆաղարիի խոսքով՝ ԱՄՆ ռազմավարական հզորությունը, որի մասին խոսել է Սպիտակ տան ղեկավարը, վերածվել է «ռազմավարական ձախողման»։
«Ձեր ներքին կոնֆլիկտները հասել են այն կետին, որ դուք ինքներդ ձեզ հե՞տ եք բանակցում»,- եզրափակել է նա։
