Պահանջում են հանել` Լիսկային, եթե ոչ՝ արդարադատությունը կիրագործեն սեփական ձեռքերով
Henaran.am -ի տեղեկություններով Սյունիքի մարզկենտրոն Կապանում պատրաստվում են հանրահավաք կազմակերպել ընդդեմ մարզպետ` Սուրեն խաչատրյանի:
Ըստ կապանցիների, եթե իշխանությունը քայլեր չձեռնարկի մարզպետին աշխատանքից ազատելու ուղղությամբ ապա բողոքի ակցիաները կտեղափոխվեն մայրաքաղաք: Այս մասին նախաձեռնող խմբի անդամները տեղյակ են պահել նաև մարզպետի տեղակալ Վաչե Գրիգորյանին: Սյունեցիների խոսքով` իրենք հոգնել են մարզպետի քաջագործություններից:
Ասում են` Սյունիքին հարիր չէ կրիմինալ մարզի համբավ ունենալը:
Ի դեպ, մեր աղբյուրների փոխանցմամբ Սյունիքի մարզպետարանում անորոշ վիճակ է: “Չենք կարողանում աշխատել հակասություններից եւ անորոշություններից: Գալիս ենք գործի, ժամ սպանում եւ տուն գնում: Սպասում են բոլորը, թե ինչի` չգիտեն էլ”,-ասացին մարզպետարանի աշխատակիցները:
Henaran.am -ի զրուցակիցը նշեց, թե նժդեհյան ոգով դաստիարակված սյունեցիները պահանջում են հանել` Լիսկային, եթե ոչ արդարադատությունը կիրագործեն սեփական ձեռքերով:
