Պեկինը կառուցողական է որակել Սի Ծինփինի և Թրամփի հեռախոսազրույցը
Չինաստանի նախագահ Սի Ծինփինի և ԱՄՆ նախագահ Դոնալդ Թրամփի միջև զրույցը կրել է կառուցողական բնույթ և անցել է դրական և բարեկամական մթնոլորտում։ Այդ մասին ճեպազրույցի ժամանակ հայտնել է Չինաստանի արտաքին գործերի նախարարության պաշտոնական ներկայացուցիչ Մաո Նինը՝ մեկնաբանելով երկու երկրների ղեկավարների միջև նոյեմբերի 24-ին կայացած հեռախոսազրույցը։
«Հեռախոսազրույցի մթնոլորտը եղել է դրական, բարեկամական և կառուցողական։ Երկու պետությունների ղեկավարների շփումները փոխադարձ հետաքրքրություն ներկայացնող հարցերի շուրջ չափազանց կարևոր են չին-ամերիկյան հարաբերությունների կայուն զարգացման համար», – նշել է նա։
Չինաստանի ԱԳՆ պաշտոնական ներկայացուցիչը նաև պարզաբանել է, որ հեռախոսազրույցը կայացել է ամերիկյան կողմի նախաձեռնությամբ։
Հեռախոսազրույցի ընթացքում Սի Ծինփինը և Դոնալդ Թրամփն անդադարձել են Թայվանի հարցին, ռուս-ուկրաինական հակամարտությանը, ինչպես նաև երկկողմ հարաբերությունների տարբեր կողմերի:
