Հայ ըմբիշները 2 մեդալ են նվաճել Դեաֆլիմպիկ խաղերում
Հունահռոմեական ոճի ըմբիշ, 87 կգ քաշային Նարեկ Նիկողոսյանը դարձել է փոխչեմպիոն, իսկ 60 կգ Սարգիս Սարգսյանը նվաճել է բրոնզե մեդալ Դեաֆլիմպիկ խաղերում: Այս մասին հայտնել են Հայաստանի ըմբշամարտի ֆեդերացիայից:
Նոյեմբերի 23-ին պայքարը կսկսեն ազատ ոճայինները:
Խաղերն ընթանում են Ճապոնիայի մայրաքաղաք Տոկիոյում: Խաղերում ընդգրկված է 20 մարզաձև, որին մասնակցում է 78 երկրի 3081 մարզիկ:
