Իրաքը հայտարարել է` Հայաստանը դիմում է ներկայացրել «Զարգացման ճանապարհ» նախագծին միանալու համար
Իրաքի վարչապետի տրանսպորտի հարցերով խորհրդական Նասեր Ալ-Ասադին Իրաքի լրատվական գործակալությանը հայտնել է, որ Օմանը և Հայաստանը պաշտոնական դիմումներ են ներկայացրել «Զարգացման ճանապարհ» նախագծին միանալու համար։
Նա նշել է, որ նախագիծը լայն միջազգային հետաքրքրություն է վայելում։
«Իրաքի կառավարությունը կարծում է, որ հարևան երկրները պետք է մասնակցեն «Զարգացման ճանապարհ» նախագծին։ Կատարը և Արաբական Միացյալ Էմիրությունները, ինչպես նաև Թուրքիան, նախագծին աջակցելու պատրաստակամություն են հայտնել։
Իրաքում Հայաստանի դեսպանը ևս հայտնել է իր երկրի ցանկությունը՝ մասնակցելու նախագծին հայկական արդյունաբերության և Իրաքի ու տարածաշրջանի հետ առևտրային փոխանակումների համար ազատ գոտի ստեղծելու միջոցով»,- հավելել է պաշտոնյան։
