Ուկրաինան հրավիրվել է ՆԱՏՕ-ի գագաթնաժողովին
Ուկրաինայի նախագահ Վլադիմիր Զելենսկին հայտարարել է, որ Կիևը հրավիրվել է ՆԱՏՕ-ի գագաթնաժողովին, որը տեղի կունենա հունիսի 24-25-ը Հաագայում։ Այս մասին նա հայտարարել է երկուշաբթի՝ լրագրողների հետ ունեցած զրույցում։
Ավելի վաղ Զելենսկին հանդիպել է ՆԱՏՕ-ի գլխավոր քարտուղար Մարկ Ռյուտեի հետ։
«Մեզ հրավիրել են ՆԱՏՕ-ի գագաթնաժողովին, կարծում եմ՝ դա կարևոր է»,-ասել է Զելենսկին՝ հավելելով որ քննարկվել է նաև Ուկրաինային տրվող պաշտպանական աջակցությունը։
«Կենտրոնանում ենք մեր հրթիռների հեռահարության ավելացման վրա»,- ասել է նա։
Նա չի հստակեցրել, թե կոնկրետ ինչպես կներկայացվի Ուկրաինան Դաշինքի գագաթնաժողովում, սակայն ասել է, որ արտգործնախարար Անդրեյ Սիբիգան իր գործընկերների հետ կխոսի «ենթակառուցվածքների մասին»։
