Վեհափա՛ռ Տեր, հնչեցրե՛ք զանգերը. Հավատացե՛ք, հայտարարության տեքստը որևէ զսպող կամ սթափեցնող գործոն չի կարող լինել այս մարդկանց համար. Նաիրա Կարապետյան
ԱԺ նախկին պատգամավոր Նաիրա Կարապետյանը ֆեյսբուքյան իր էջում գրում է․
«Վեհափա՛ռ Տեր, հնչեցրե՛ք զանգերը:
Մենք՝ Հայ Առաքելական Եկեղեցու խոնարհ զավակներս, արդար ցասումով ենք լցված վերջին տարիներին, իսկ հատկապես՝ վերջին օրերին, Հայաստանի քաղաքական իշխանության կողմից մեր հավատքի սուրբ օրրանի՝ ՀԱԵ դեմ տարվող անընդունելի և վիրավորական արշավի նկատմամբ:
Հավատացե՛ք, հայտարարության տեքստը որևէ զսպող կամ սթափեցնող գործոն չի կարող լինել այս մարդկանց համար:
Որդիական խոնարհությամբ ուզում եմ հավատալ, որ ժողովին եղել է նաև այլ՝ ավելի առօրեկան, իրատեսական և իրավիճակին համահունչ արդյունք:
Հայտարարությունը չէ, որ մենք Ձեզանից սպասում ենք:
Օգտագործե՛ք, խնդրում եմ, Եկեղեցու գործիքակազմը: Ներեցե՛ք հանդգնությունս, բայց շատերս ենք կարծում, որ այսպիսի պահվածքը ՀԱԵ նկատմամբ առնվազն նզովքի է արժանի:
Որդիական խոնարհութեամբ մատչիմ ի համբոյր Ձերդ Սրբութեան Օծեալ Սուրբ Աջոյն»:
