Հեյդար Ալիևին հավերժացրել են մեկ կիլոգրամանոց ոսկեդրամի վրա
Ռուսական РИА Новости լրատվական գործակալության փոխանցմամբ՝ Ադրբեջանում տեղի է ունեցել նախկին նախագահ Հեյդար Ալիևի ծննդյան առաջիկա 90-ամյակի կապակցությամբ թողարկված ոսկեդրամների շնորհանդեսը:
Հուշադրամները թողարկվել են երեք տեսքով. մեկ տրոյական ունցիա (31.1 գրամ), 10 տրոյական ունցիա և մեկ կիլոգրագամ քաշով: Ոսկեդրամների վրա պատկերված է Հեյդար Ալիևի դեմքը՝ կիսալուսնի և ութանկյուն աստղի ֆոնին:
Ընդհանուր առմամբ, թողարկվել է նմանատիպ 3000 ոսկեդրամ: Հեյդար Ալիևը ծնվել է 1923 թվականի մայիսի 10-ին և 1993-2003 թվականներին հանդիսացել է Ադրբեջանի նախագահ, ինչից հետո նրան հաջորդել է որդին՝ Իլհամը:
