Իսրայելի ԿԸՀ-ն կուսակցություններին կզգուշացնի Կնեսետի ընտրություններին միջամտության սպառնալիքի մասին
Իսրայելի Կենտրոնական ընտրական հանձնաժողովը կզգուշացնի խորհրդարանական խմբակցությունների առաջնորդներին Կնեսետի ընտրություններից առաջ հանձնաժողովի անդամների դեմ վարկաբեկման արշավների սպառնալիքի մասին, ընտրությունները կայանալու են հոկտեմբերի 27-ին, հայտնել է 13-րդ ալիքը։
Զգուշացման պատճառը դարձել է վարչապետ Բենիամին Նեթանյահուի «Լիկուդ» կուսակցության կողմից հանձնաժողովի աշխատանքի աճող քննադատությունը։
Կուսակցությունում դեմ են արտահայտվել ԿԸՀ-ում վերջին մի շարք նշանակումների դեմ, ինչն արդեն մտահոգություն է առաջացրել փորձագետների շրջանում․ նրանք չեն բացառում, որ իշխող կուսակցությունը կարող է փորձել ճնշում գործադրել ընտրական հանձնաժողովի վրա, իսկ հետագայում՝ կասկածի տակ դնել քվեարկության արդյունքները։
Առաջիկա ճեպազրույցում ԿԸՀ ղեկավարությունը մտադիր է խմբակցությունների ղեկավարներին ներկայացնել ընտրություններին ներքին և արտաքին միջամտության դեմ հնարավոր միջոցները։ Հանձնաժողովը նաև ստեղծել է հատուկ խումբ՝ միջամտության հնարավոր սցենարներն ու արձագանքման տարբերակներն ուսումնասիրելու համար։
Իսրայելի Կենտրոնական ընտրական հանձնաժողովը անկախ պետական մարմին է, որը պատասխանատու է խորհրդարանական ընտրությունների անցկացման և դրանց ազնվության ապահովման համար։ Այն գլխավորում է Գերագույն դատարանի դատավորը, կազմի մեջ մտնում են տարբեր խորհրդարանական խմբակցությունների ներկայացուցիչներ։
Հանձնաժողովը հաշվում է ձայները և նաև լիազորություններ ունի թույլ չտալ, որ կուսակցությունները մասնակցեն ընտրություններին։
