Բացվել է Երևան – Վոլգոգրադ նոր ուղիղ չվերթ
Armenian Airlines ավիաընկերությունը բացել է նոր ուղիղ չվերթ՝ Երևանից դեպի Վոլգոգրադ։ Այս մասին հայտնում են «Հայկական ավիաուղիներ»-ից՝ մանրամասնելով, որ թռիչքները կլինեն շաբաթական հաճախականությամբ՝ կիրակի օրերին։
«Armenian Airlines-ն այսօր չվերթներ են իրականացնում 8 ուղղությամբ, որից վեցը ՌԴ քաղաքներ։ Ռուսական շուկան այսօր ամենապահանջված և զարգացող ուղղություններից է։ Վոլգոգրադում ապրում է հայկական մեծ համայնք, բացի այդ սա նաև զբոսաշրջության զարգացման առումով է կարևոր»,-նշել է ավիաընկերության տնօրեն Արարատ Սարգսյանն ու հավելել, որ հաջորդ տարի կլինեն նոր ու հետաքրքիր ուղղություններ։
Երևան-Վոլգոգրադ թռիչքի տևողությունը 2 ժամ 15 րոպե է։ Ուղևորների ավիափոխադրումն իրականացվում է հարմարավետ Airbus 321 ինքնաթիռով՝ նախատեսված 220 ուղևորի համար:
