Ալափարս-Արզական ավտոճանապարհին ուժեղ քամու հետևանքով բարդու ծառն ընկել է Volkswagen մակնիշի ավտոմեքենայի վրա
Դեկտեմբերի 13-ին, ժամը 23:54-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ալափարս-Արզական ավտոճանապարհին ուժեղ քամու հետևանքով բարդու ծառն ընկել է ճանապարհի երթևեկելի հատված՝ ճանապարհը դարձնելով դժվարանցանելի․ անհրաժեշտ է փրկարարների օգնությունը։ Հայտնում են ՀՀ ՆԳՆ փրկարար ծառայութունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բարդու ծառն ընկել է «Volkswagen» մակնիշի ավտոմեքենայի վրա (վարորդ՝ Մ․ Հ․, ծնված 1989 թ.):
Մինչ փրկարարների կանչի վայր հասնելը՝ ավտոմեքենայի ուղևոր Գ․ Հ․-ն (ծնված 1987 թ.) տեղափոխվել է բժշկական կենտրոն։
Փրկարարները սահմանազատել են տարածքը, մասնատել են ծառը և հեռացրել ճանապարհի երթևեկելի հատվածից:
