Թրամփը Սի Ծինփինին հրավիրել է իր երդմնակալությանը մասնակցելու
ԱՄՆ նորընտիր նախագահ Դոնալդ Թրամփը Չինաստանի նախագահ Սի Ծինպինին հրավիրել էր հունվարին անցկացվելիք իր երդմնակալության արարողությանը։
Fox News-ին հինգշաբթի տված հարցազրույցում Սպիտակ տան մամուլի քարտուղար Քերոլայն Լևիթը, որը պաշտոնը ստանձնել է Թրամփի օրոք, հաստատել է, որ հրավերն ուղարկվել է Չինաստանի նախագահին։
«Ճիշտ է, այո, և դա նախագահ Թրամփի բաց երկխոսության օրինակ է այն երկրների առաջնորդների հետ, որոնք ոչ միայն դաշնակիցներ են, այլ նաև մեր հակառակորդներն ու մրցակիցները»,- նշել է նա:
«Մենք դա տեսանք նրա առաջին նախագահական ժամկետում: Դրա համար նա արժանացավ բազմաթիվ քննադատությունների, բայց դա ամբողջ աշխարհում խաղաղության հանգեցրեց։ «Նա պատրաստ է խոսել ցանկացածի հետ և Ամերիկայի շահերը միշտ դնելու է առաջին տեղում»,-հավելել է Սպիտակ տան մամուլի քարտուղարը:
Հարցին, թե արդյոք Սի Ծինպինը արձագանքել է հրավերին, Լևիթն ասել է, որ «դա դեռ պետք է պարզել»՝ հավելելով, որ երդմնակալությանը օտարերկրյա բարձրաստիճան պաշտոնյաների հրավիրելը «նախադեպ է»:
