Հայտնի երգիչը պլանավորում է իր թաղման արարողությունը
Հայտնի երգիչ Ռոբի Ուիլյամսը սկսել է լրջորեն մտածել իր մահվան մասին և պլանավորում է իր թաղման արարողությունը: Ինչպես հայտնում lifenews.ru կայքը, երգիչն ամենայն լրջությամբ հայտարարել է, որ իր թաղման արարողությունը տեղի կունենա Լոս Անջելեսում:
«Երկար ժամանակ ես պնդում էի, որ իմ թաղման արարողությունը պետք է անցնի իմ հայրենի քաղաքում: Սակայն այժմ ես փոխել եմ իմ որոշումը: Շատ եմ ուզում, որ իմ մարմինն ամփոփվի Լոս Անջելեսում»,- խոստովանել է 39-ամյա երգիչը: Միևնույն ժամանակ, Ռոբի Ուիլյամսը հայտարարել է, որ ինքը մահվանից չի վախենում. Միայն ցանկանում է կնոջ և երեխայի հետ անցկացնել իր ամբողջ կյանքը: Կայքը նաև հիշեցնում է, որ դեռևս մի քանի տարի առաջ երգիչն իր թաղման համար հատուկ երաժշտություն էր գրել:
