Տորթ «Տերամանա»

Բաղադրիչները՝

2 կլոր բիսկվիթ՝ յուրաքանչյուրը մոտ 400 գ քաշով (տես՝ խորհուրդ 3)
1 լ կաթ
6 ձվի դեղնուց
2 բաժակ շաքարավազ
100 գ ալյուր
90 գ կակաոյի փոշի
300 գ մաքրած նուշ
100 մլ ռոմ
100 մլ լիկյոր «Ալկերմես» կամ համեմունքներով կոնյակ (տես՝ խորհուրդ)
կես կիտրոնի կեղև
դարչինի փոքր փայտիկ

Ջնարակի (глазурь) համար

2 ձվի սպիտակուց
1/2 բաժակ շաքարի փոշի
մի քանի կաթիլ կիտրոնի հյութ

Պատրաստման եղանակը

Կաթը կիտրոնի կեղևի ու դարչինի փայտիկի հետ եռացրեք: Թասի մեջ հարեք դեղնուցներն ու 1,5 բաժակ շաքարավազը: Ավելացրեք ալյուրը, լավ խառնեք: Կաթը թողեք հովանա, ապա անընդհատ խառնելով ավելացրեք կրեմին: Կրեմը անընդհատ խառնելով մոտ 10 րոպե եփեք թույլ կրակի վրա մինչև խտանա:

Պատրաստի կրեմը երկու մասի բաժանեք: Դրանցից մեկի մեջ ավելացրեք կակաոյի փոշին ու խառնեք, քանի դեռ կրեմը տաք է: Հետո երկու բաժին կրեմն էլ լրիվ հովացրեք:

150 մլ ջուր եռացրեք, ավելացրեք շաքարավազի մնացած մասն ու 5 րոպե եփեք: Թողեք մի փոքր հովանա: Նուշը սրճաղացով աղացեք, ապա ավելացրեք օշարակին (սիրոպին) ու խառնեք:

Բիսկվիթները կիսեք, որպեսզի 4 բլիթ լինի: Առաջին բլիթը տեղադրեք մեծ ափսեի մեջ: Ռոմը բացեք 2 ճ.գ. ջրով ու ստացված խառնուրդի կեսով ցողեք բլիթը: Բլիթի վրա քսեք բաց գույնի կրեմը: Վրան տեղադրեք հաջորդ բլիթը, սա էլ ցողեք լիկյորով կամ կոնյակով, ապա քսեք կակաոյով կրեմը: Տեղադրեք երրորդ բլիթը, թրջեք այն մնացած ռոմի խառնուրդով, վրան քսեք նուշի խյուսը: Ծածկեք չորրորդ բլիթով:

Սպիտակուցները հարեք շաքարի փոշու և կիտրոնի հյութի հետ: Ստացված ջնարակով պատեք տորթը՝ վերևից ու կողքերից: Մի փոքր սպասեք ու մատուցեք:

Խորհուրդ 1: «Ալկերմես» լիկյորը կարող եք փոխարինել կոնյակով՝ ավելացնելով 1/3 թ.գ. մշկընկույզի, դարչինի ու մեխակի փոշու խառնուրդ:

Խորհուրդ 2: Ջնարակը պատրաստելուց անմիջապես հետո պետք է օգտագործել, հակառակ դեպքում այն կպնդանա:

Խորհուրդ 3: Բիսկվիթի համար անհրաժեշտ է 4 ձու, 3/4 բաժակ շաքարավազ, 110 գ ալյուր, 1/2 ճ. գ. եգիպտացորենի օսլա, շաքարի փոշի: Ձվի դեղնուցներն առանձնացրեք սպիտակուցներից: Դեղնուցները խառնեք 3/4 բաժակ շաքարավազի, ալյուրի ու օսլայի հետ այնպես, որ գնդիկներ չմնան, միատարր զանգված ստացվի: Սպիտակուցները հարեք, փայտե գդալով ներքևից վերև շարժումով լցրեք խմորի մեջ: Ստացված խմորը լցրեք տապակի մեջ, վրան կալկայով ծածկեք: Տապակը 20 րոպեով տեղադրեք 180 աստիճան ցելսիուս տաքության ջեռոցում, հետո հանեք ջեռոցից, թողեք, թող հովանա: