Թուրքիան Լեհաստանին է մատակարարել 2 տասնյակից ավելի անօդաչու թռչող սարք

Թուրքիան Լեհաստանին մատակարարել է 24 հատ անօդաչու թռչող սարք։ Նշվում է, որ «TB2 բայրաքթար» անօդաչու թռչող սարքերի վերաբերյալ համաձայնագիրը երկու երկրների միջև ստագրվել էր 2021-ին։ Այս մատակարարմամբ Թուրքիան առաջին անգամ և՛ ՆԱՏՕ-ի, և՛ Եվրամիության (ԵՄ) անդամ երկիր արտահանեց անօդաչու թռչող սարք։ Այս մասին տեղեկացնում է ermenihaber.am-ը։

Լեհաստանին անօդաչու թռչող սարքերի վաճառքը լայն տարածում է գտել միջազգային մամուլում։ Մասնավորապես ամերիկյան «Defense News»-ը և բրիտանական «Jane’s»-ն անդրադարձել են բայրաքթարների վաճառքին։

«Defense News»-ում տեղ գտած լուրերի համաձայն՝ Թուրքիայից Լեհաստան բայրաքթարների արտահանումը կազմել է 270 մլն դոլար։ Լրատվամիջոցներում նշվում է, որ անօդաչու թռչող սարքերը տեղակայվել են Լեհաստանի անօդաչու թռչող սարքերի 12-րդ ռազմաբազայում։ Միևնույն ժամանակ հարցադրում է արվում այն մասին, թե թուրքական ԱԹՍ-ները Լեհաստանում ինչ-որ առաքելություն կիրականացնե՞ն, թե՞ կտրամադրվեն Ուկրաինային։