Գերմանիայում լրտեսության կասկածանքով երկու մարդ է ձերբակալվել
Գերմանիայում ազգությամբ ռուս երկու քաղաքացի է ձերբակալվել՝ լրտեսության կասկածանքով։
Ըստ նրանցից մեկին առաջադրված մեղադրանքի՝ նա համաձայնվել էր հարձակումներ կատարել պոտենցիալ թիրախների, այդ թվում՝ ամերիկյան ռազմական օբյեկտների վրա, հուսալով խափանել Ուկրաինային օգնության տրամադրումը, այսօր հայտնել է Գերմանիայի դատախազությունը։
Կասկածյալները ձերբակալվել են չորեքշաբթի օրը Բավարիայում։
Ըստ հաղորդագրության՝ Դիտեր Ս-ը ռուսական հատուկ ծառայությունների հետ կապված անձի հետ քննարկել է դիվերսիոն գործողություններ իրականացնելու հնարավորությունները և պատրաստակամություն հայտնել պայթեցումներ և հրկիզումներ կատարել ռազմական օբյեկտներում և արդյունաբերական ենթակառուցվածքներում։
Չորեքշաբթի դատարանը որոշել է կալանավորել նրան, իսկ մյուս կասկածյալի՝ Ալեքսանդր Ջ-ի խափանման միջոցի հարցը դատարանը որոշելու է այսօր։
