Շառլ Միշելը հեռախոսազրույց է ունեցել Նիկոլ Փաշինյանի հետ
Եվրոպական խորհրդի նախագահ Շառլ Միշելը հեռախոսազրույց է ունեցել Նիկոլ Փաշինյանի հետ։
Միշելը հայտնել է, որ Փաշինյանի հետ քննարկել է Հայաստան-ԵՄ հարաբերություններին և Ադրբեջանի հետ հարաբերությունների կարգավորման գործընթացին առնչվող հարցեր։
«Հարավային Կովկասում խաղաղության, կայունության հաստատումն ու բարգավաճումն առաջնային են ԵՄ օրակարգում»,- «X»-ի միկրոբլոգում գրել է Միշելը։
Հիշեցնենք, որ փետրվարի 17-ին Մյունխենի անվտանգության համաժողովի շրջանակում կայացել էր Հայաստանի վարչապետի, Ադրբեջանի նախագահի և Գերմանիայի կանցլերի եռակողմ հանդիպումը։
Good discussion with 🇦🇲 PM @NikolPashinyan on EU-Armenia relations and Armenia-Azerbaijan normalisation.
The agenda of peace, stability and prosperity for the South Caucasus is high on EU’s agenda.
— Charles Michel (@CharlesMichel) February 20, 2024
