Լեռնային Ղարաբաղում իրավիճակի հարցով ՄԱԿ-ի Անվտանգության խորհուրդը նիստ կանցկացնի
ՄԱԿ-ի Անվտանգության խորհրդում Լեռնային Ղարաբաղի շուրջ քննարկումը նախատեսված է սեպտեմբերի 21-ին։ Այս մասին հայտնել է ՏԱՍՍ-ի աղբյուրը ՄԱԿ-ում։
«Նիստը պետք է տեղի ունենա հինգշաբթի օրը», – ասել է աղբյուրը՝ հավելելով, որ դա տեղի կունենա Նյու Յորքի ժամանակով օրվա երկրորդ կեսին։
Այժմ Նյու Յորքում անցկացվում են ՄԱԿ-ի գլխավոր ասամբլեայի 78-րդ նստաշրջանի՝ բարձր մակարդակով հանդիպումները, հետևաբար, հնարավոր է, որ ԱԽ նիստին մասնակցեն որոշ պատվիրակությունների ղեկավարներ։
Ժամը 20:00-ի դրությամբ Ադրբեջանի կողմից իրականցվող լայնածավալ ռազմական ագրեսիայի հետևանքով կա 25 զոհ, որոնցից 2-ը խաղաղ բնակիչներ են, այդ թվում՝ 1 երեխա։ Վիրավորների թիվը 138 է, որոնցից 29-ը քաղաքացիական անձինք են։
