Օդեսայում պարգևատրել են հայ դիվանագետի

Ուկրաինայի հայերի միության ղեկավար Վիլեն Շատվորյանը փետրվարի 22-ին Օդեսայում Հայաստանի գլխավոր հյուպատոս Գևորգ Պետրոսյանին է հանձնել «Սփյուռքի ակտիվ գործիչ» շքանշանը:

Հանդիսությանը ներկա են եղել Օդեսայում ներկայացված երկրների գլխավոր հյուպատոսները, Ուկրաինայի հայերի միության ներկայացուցիչները, այդ թվում՝ Խերսոնում հայերի միության ներկայացուցիչ Տիգրան Մկրտչյանը, Կրոպիվնիցկիում հայերի միության ներկայացուցիչ Տիգրան Խաչատրյանը, Օդեսայի համայնքի ղեկավար Տիգրան Հարությունյանը, ինչպես նաև Ուկրաինայում Հայաստանի դեսպան Վլադիմիր Կարապետյանը և Հայ առաքելական եկեղեցու Ուկրաինայի թեմի առաջնորդ Մարկոս ​​եպիսկոպոս Հովհաննիսյանը և շատ ուրիշներ։

Ուկրաինայի հայերի միության մամուլի ծառայության տեղեկատվության համաձայն՝ կազմակերպությունը շնորհակալություն է հայտնում դիվանագետին Ուկրաինա-Հայաստան հարաբերությունների ամրապնդման ու զարգացման ուղղությամբ կատարած արդյունավետ աշխատանքի համար։

«Հարկ է նշել, որ Գևորգ Պետրոսյանն ավարտում է իր մասնագիտական ​​գործունեությունն Ուկրաինայում, և մենք շնորհավորում ենք նրան դիվանագիտական ​​առաքելությունը հաջողությամբ իրականացնելու կապակցությամբ», – նշված է հաղորդագրությունում։