Տորթ «Սև թավիշ»

Բաղադրիչներ

Բիսկվիթի համար՝

1. Ալյուր – 1 և 3/4 բաժակ

2. Շաքարավազ – 1/2 բաժակ

3. Կակաո – 3/4 բաժակ

4. Սոդա – 1.2 թ/գ

5. Փխրեցուցիչ – 1.5 թ/գ

6. Աղ – 0.5 թ/գ

7. Մածուն – 1 բաժակ

8. Բուսայուղ – 1/2 բաժակ

9. Ձու – 2 հատ

10. Վանիլին – 1 տուփ

11. Լուծվող սուրճ – 1 բաժակ

Լրացուցիչ՝

Թարմ մոշ

Կրեմի համար՝

1. Ֆիլադելֆիա պանիր – 420 գ

2. Կարագ – 140 գ

3. Շաքարի փոշի – 1 բաժակ

4. Վանիլին – 1 տուփ

Պատրաստման եղանակը

1. Բոլոր բաղադրիչները պետք է լինեն սենյակային ջերմաստիճանի: Մեծ թասի մեջ մաղել ալյուրը, կակաոն, սոդան, փխրեցուցիչը և աղը: Մեկ այլ թասի մեջ լցնել մածունը, բուսայուղը, ձուն, վանիլինը և ավելացնել շաքարավազը: Խառնել գդալով (չհարել):

2. Ավելացնել չոր բաղադրիչները և խառնել գդալով այնքան, մինչև միասեռ զանգված դառնալը: Շարունակելով խառնելը՝ դանդաղ ավելացնել տաք սուրճը: Պատրաստի խմորը լցնել 23 սմ կլոր կաղապարի մեջ: Կաղապարը նախապես պատել յուղաթղթով: Թխել 170 աստիճան տաքացրած ջեռոցում 40-45 րոպե, թողնել, որ սառչի, կիսել 3 շերտի:

3. Թասի մեջ լցնել կարագը, շաքարավազը և վանիլինը: Լավ հարել: Ավելացնել սերուցքային պանիրը և լավ խառնել: Կրեմով պատել տորթը և զարդարել թարմ մոշով:

Պատրաստեց Անի Գաբուզյանը