Ճապոնիայի ԱԳ նախարարը հանդիպել է Ուկրաինայի գործընկերոջ հետ
Ճապոնիայի արտգործնախարար Յոսիմա Հայասին ապրիլի 2-ին Լեհաստան կատարած այցի շրջանակում հանդիպել է Ուկրաինայի ԱԳ նախարար Դմիտրի Կուլեբայի հետ: Այս մասին հայտնում է Kyodo լրատվական գործակալությունը:
Հանդիպման ընթացքում քննարկված հարցերի մասին մանրամասներ չեն հաղորդվում:
Ճապոնիայի արտգործնախարարի այցը Լեհաստան շարունակվելու է մինչև ապրիլի 5-ը: Նա հանդիպումներ կունենա այդ երկրի կառավարության ներկայացուցիչների հետ ու կգնահատի իրադրությունը՝ կապված ուկրաինացի փախստականների հետ:
Մի շարք ԶԼՄ-ներ հայտնում են, որ նա մտադիր է իր կառավարական ինքնաթիռով Ճապոնիա տանել Ուկրաինայից շուրջ 30 փախստականի:
Ներկայում Ճապոնիան ընդունել է ավելի քան 300 ուկրաինացի փախստականի, ովքեր, հիմնականում, Ճապոնիայում բնակվող Ուկրաինայի քաղաքացիների բարեկամները կամ ծանոթներն են:
