Ամենահամեղ ուտեստը, որը կարելի է պատրաստել սմբուկից

Բաղադրիչներ

1. Պաստա – 350 գ

2. Սմբուկ – 1 հատ

3. Սունկ – 250 գ

4. Սխտոր – 3 պճեղ

5. Տոմատի մածուկ – 350 գ

6. Ջուր – 500 մլ

7. Աղ, սև պղպեղ

8. Ձիթայուղ

Պատրաստման եղանակը

1. Սմբուկը կտրատել, համեմել աղով և թողնել 20-30 րոպե, ապա լվանալ և չորացնել թղթե սրբիչով։

2. Մեծ տապակը տաքացնել, սմբուկը և 1 պճեղ մանր կտրատած սխտորը տապակել 3-5 րոպե։ Ավելացնել մանր կտրատած սունկը, տապակել ևս 2 րոպե։ Տեղափոխել առանձին ամանի մեջ։

3. Նույն տապակի մեջ ջուր լցնել, ավելացնել պաստան, տոմատի մածուկը և մնացած սխտորը։ Համեմել աղով և սև պղպեղով: Հասցնել եռման աստիճանի, ծածկել և եփել, մինչև փափկի:

4. Պաստան մատուցել սմբուկի հետ:

Պատրաստեց Անի Գաբուզյանը