Անկախ ԲՀԿ-ի որոշումից՝ ՀՀԿ թեկնածուն մրցակից չունի. Շարմազանով
168.am-ի հետ զրույցում ՀՀԿ մամուլի խոսնակ Էդուարդ Շարմազանովը` անդրադառնալով ԲՀԿ առաջնորդ Գագիկ Ծառուկյանի՝ փետրվարին կայանալիք նախագահական ընտրություններում իր չառաջադվելու և որևէ թեկնածուին չսատարելու մասին որոշումներին, ասաց.
«ԲՀԿ որոշումները բացառապես իրենց ներքին որոշումներն են, որոնց ես հարգանքով եմ վերաբերում: Իրենց որոշումն է չսատարել ոչ մեկին և ես ԲՀԿ-ի փոխարեն պատասխանել այս հարցին չեմ կարող»:
Էդուարդ Շարմազանովը նշեց, որ իրենք միշտ էլ ասել են, որ՝ անկախ քաղաքական տարբեր ուժերի կամ անհատների կողմից իրենց սատարելու կամ չսատարելու որոշմանը, ՀՀԿ-ի ամենաֆավորիտ թեկնածուն գործող նախագահն է, որին մրցակից փետրվարին կայանալիք նախագահական ընտրություններում իրենք չեն տեսնում, ում գլխավորությամբ էլ կուսակցությունն առաջ կշարժվի առաջիկա հինգ տարիների ընթացքում:
