«Իշխանության կողմից ռեպրեսիաների միջոցով փորձ է արվում լռեցնել բողոքի ձայնը». Երվանդ Վարոսյան

«Ազգային աղետ և վերածնունդ․ իրավական բաղադրիչը» խորագրի ներքո այսօր անցկացվող խորհրդաժողովում Սահմանադրական իրավունքների վիճակը հետպատերազմական Հայաստանում թեմայով քննարկման ժամանակ փաստաբան Երվանդ Վարոսյանը նշեց, թե այսօր իշխանությունը փորձ է անում իրականացնել 2 բան՝ պահպանել իշխանություն և իշխանությունը պահպանելով՝ թաքցնել տեղի ունեցածը, որպեսզի իրականությունը մինչև վերջ չիմանանք:

Փաստաբանի մեկնաբանությամբ՝ հենց այդ նպատակով էլ իշխանությունը հարուցում է քրեական գործեր, անհարկի սահմանափակում է անձանց իրավունքները:

«Իշխանության կողմից ռեպրեսիաների միջոցով փորձ է արվում լռեցնել անձանց, լռեցնել բողոքի ձայնը՝ ապահովելով իր հետագա իշխանության մնալը»,- նշեց Երվանդ Վարոսյանը:

Անդրադառնալով քաղաքացիների իրավունքների սահմանափակումներին՝ Երվանդ Վարոսյանն առաջինն անդրադարձավ հավաքների ազատության սահմանափակմանը, նշեց, թե կա հստակ խտրական մոտեցում, ակնհայտ քաղաքական ուղղվածություն:

Փաստաբանի խոսքով՝ աահմանափակվում է անձանց  ազատության իրավունքը՝ ինչպես վարչական ձերբակալությունների, այնպես էլ՝ քրեական գործեր հարուցելու միջոցով: Վարոսյանն անդրադարձավ նաև կատարվող անհարկի խուզարկություններին, որոնց նպատակը, ըստ նրա, մարդկանց ահաբեկելն է: Մեկ այլ սահմանափակում, որ առանձնացրեց փաստաբանը, սեփականության իրավունքի սահմանափակումն է, երբ առգրավվում են, օրինակ, մեքենաները՝ հիմնավորելով, թե դրանք ապացույցներ են:

Ըստ Վարոսյանի՝ այս իրավիճակում իրավական ուղին պայքարելն է, բողոքարկելը նման գործողությունների դեմ:

Մանրամասները՝ 168.am-ի տեսանյութում