Մոուրինիոն՝ իր և Կասիլիասի հարաբերությունների մասին
«Տոտենհեմի» գլխավոր մարզիչ Ժոզե Մոուրինիոն խոսել է դարպասապահ Իկեր Կասիլիասի կարիերայի ավարտի մասին:
«Նրա խելքի և հասունության շնորհիվ մենք միշտ հարգել ենք միմյանց: Եվ տարիներ անց հարգանքը վերածվեց իսկական բարեկամության: Կասիլիասը հիանալի դարպասապահ է և հիանալի անձնավորություն:
Նա իր անունը գրել է Մադրիդի «Ռեալի», Իսպանիայի հավաքականի և համաշխարհային ֆուտբոլի պատմության մեջ: Նրա հետ ես հաղթեցի Լա Լիգայում և ռեկորդներ սահմանեցի: Ես ստիպված էի բարդ որոշում կայացնել՝ հիմնվելով մասնագիտական որակների, այլ ոչ թե՝ անձնականի վրա, և ընտրել մեկ այլ դարպասապահ:
Ամբողջ աշխարհը գիտի, որ, երբ ես ընդունեցի հրամանը, մենք որոշակի կոնֆլիկտ ունեցանք: Ես չեմ ասի, որ դա մեր էգոյի պատճառով էր, բայց խնդիր առաջացավ «Ռեալի» ավագի և մարզչի միջև:
Ինձ համար հեշտ չէր այդ որոշումը կայացնելը, և նրա համար հեշտ չէր համաձայնել դրա հետ: Բայց մենք ունենք լավ հարաբերություններ, ոչ այնպես, ինչպես բոլորն են մտածում»,- ասել է Մոուրինիոն:
Հիշեցնենք, որ երբ Մոուրինիոն «Ռեալի» մարզիչն էր, Կասիլիասը կորցրեց մրցակցությունը Դիեգո Լոպեսի նկատմամբ: Եվ ահա Մոուրինիոյի հեռանալուց երկու տարի անց իսպանացի դարպասապահը հեռացավ «Ռեալից»:
Սիրարփի Աղաբաբյան
